2007/03/16

فليغرسها

بسم الله الرحمن الرحيم

السلام عليكم ورحمة الله وبركاته

أنا بدأت أدمن المدونة فعلا .. ربنا يستر




المرة دي كلامي عن اليأس بشكل عام ..

السنة اللى فاتت أ/عمرو خالد جه الكويت وإدى محاضرة رائعة فعلا .. أنا حركز على جزء منها .. هو "خواطر حول حديث الرسول صلى الله عليه وسلم"

( إن قامت الساعة وفي يد أحدكم فسيلة فإن استطاع أن لا تقوم حتى يغرسها فليغرسها )

الراوي: أنس بن مالك - خلاصة الدرجة: صحيح - المحدث: الألباني

محدش فكر .. ليه الواحد والدنيا بتنتهي حواليه و (( القيامة )) بتقوم ، يحثه الرسول صلى الله عليه وسلم أن يغرس الفسيلة دي ؟!!!!

يعني لا هو حيجني منها حاجة .. ولا أولاده .. ولا أصلا هي حتلحق تكبر !!!

عارفين ليه .. لأن العمل نفسه قيمة .. لأن الجهاد ذاته هو واجبنا ..

حضرت أمس الخميس 15/3/2007 مسرحية بعنوان (الزهايمر) في مسرح كلية حقوق جامعة الكويت .. والمسرحية أصلا بتدور حول القضية الفلسطينية .. كانت أحلى العبارات واللى كانت المسرحي ملخصة فيها ..

"ليس علينا النصر .. فالنصر من عند الله ويهبه لمن يشاء .. دورنا هو الجهاد والعمل وهو ما سوف نُسأل عليه"

فلنغرسها إذا

هناك 3 تعليقات:

  1. رينا يستر وماتجيش فى يوم تقولى هبطل تدوين

    تدويناتك حلوة بجد

    على فكرة بقى كمان المعنى الجميل اللى قلتيه فى التدوينة مهم للغاية , اللى بيزرع فسيلة قبل يوم القيامة بيزرعها عشان نفسه قبل الأخرين عشان كم الحسنات المهووووووووول اللى هياخده بأذن الله واللى أكيد هيحتاجه كمان شوية

    ومتهيألى لو كل واحد فهم المعنى اللى ده مش هيبطل أبدا أنه يحاول افادة الناس حتى لو حس انه مفيش نتيجة أو أن الناس مش مهتمة أو بتحاربه كمان

    ردحذف
  2. طالما كال التدوينات هتكون بالشكل الجيد ده يبقى أحسن تدمني....الحديث ده فعلا لو الناس إستشعرتوا و فهمتو .ي ما الأخ مبرمج قال ,هتلاقي المسلمين دول حاجة تانية,مش بس الحديث ده لأ كل لأحاديث..وفي كتاب رائع يدور حول هذا الحديث و حاجات أخرى لها صلة بالموضوع ده كتاب فعلا ميتسابش و لو قرأتوه هتقرأه مرة و أتنين وعشرة الكتاب إسمه كيف أصبحوا عظماء للدكتور سعد سعود الكربياني وهو كويتي كتاب فعلا رائع

    ردحذف
  3. بسم الله

    السلام عليكم

    أ/مبرمج حر :

    هو اليوم ده أكيد جاي .. بس لما ييجي حيكون بسبب قوي جدا إن شاء الله .. مش عشان حالة نفسية أو موقف معين أو غيره ..

    أ/يعقوب :

    إن شاء الله أدور على الكتاب وأحاول أقرأه

    المشكلة إن عندي جبال من الكتب أريد قرآتها سواء كانت كتب ورقية لدي في المنزل أو كتب إلكترونية على جهازي ..كله مؤجل لأجازة الصيف :)

    ردحذف

إنما الأعمال بالنيات وإنما لكل إمرء ما نوى

بحث في فتاتٌ من كلام

Maha's favorite quotes


"إن لمعركة الخبز ضجيجاً يصم الأسماع , والشعوب العابدة لرغيفها سوف تموت دونه , وعلينا أن نوقظ الهمم إلى المعركة الأقسى , معركة الأرض والعرض , معركة الأرض والسماء , معركة الإسلام الذي يترنح من الضربات على كيانه الجلد !!!"— محمد الغزالي