2007/06/26

discovering facebook

بسم الله

السلام عليكم

face book إمبارح استكشفت ذلك العالم المسمى فيس بوك

أول مرة سمعت عنه كان في مدونة الأخ سفاح ، وكان موضوع التدوينة عبارة عن فيديو عن الفيس بوك .. الفيديو نفرني منه جدا ولم أفهم ما هذا يعني ؟؟ أو لنقل أنني فهمت أنه موقع سيء !!

بعدها جاءتني دعوة للإنضمام للفيس بوك .. رفضتها بالطبع ومازالت فكرة أنه موقع سيء في بالي أو على الأقل موقع فري زيادة عن اللزوم دون حدود

ثم سمعت عنه مرة أخرى في أحد الحوارات التي دارت في حفلة حضرتها مؤخرا ، شرحت لي بعض صديقاتي ماهية هذا الموقع وفكرته ، وفهمت أخيرا ، هو مكان لتجمع الأصدقاء ، يتشاركون الصور والفيديو والأحاديث مع ميزات أخرى عديدة

قررت يومها أن ألق نظرة مقربة على هذا العالم الجديد .. فاشتركت واتفقت مع صديقتي أن ندخل معا ونتبادل الصور والرسائل ونستكشف الدنيا بالداخل

ساحة لعب ممتعة للغاية .. لها ميزات عديدة بالطبع ويمكن أن تؤخد بجدية فتفيد أيما إفادة

أكثر ما أعجبني فيه هو أن هناك خاصية اسمها الحائط .. يمكن ان نكتب عليه رسائل سريعة أو نرسم

قررت أن أجرب الرسم .. وهي دي الصورة (مش عايزة ضحك) اتفقنا









برضة ضحكتوا


الخلاصة : دنيا النت بتتطور يوميا ومئات الحاجات الجديدة بتطلع .. لن نسمح لها بإضعة وقتنا هذا مفروغ منه .. لكن أيضا علينا أن نكون على علم بها حتى لا نكون في آخر الركب .. خاصة وأن هذه التطورات قد تفيد بالفعل في المستقبل .. وأيضا علينا ألا نسرع في الحكم دون ان تكون لدينا فكرة واضحة عن ماهية المحكوم عليه

في أمان الله

إضافة : صور صورتها



التعليقات لديها ما يغني التدوينة أكثر .. أراكم هناك إن شاء الله

هناك 18 تعليقًا:

  1. نفس الفكرة أخذتها وقت ما شفت الفيديو

    ردحذف
  2. لا ادرى

    مش فاهم برضه قوى الجديد الى بتقدمه

    ردحذف
  3. انا كمان جت لي اكتر من دعوة للفيس بوك بس ما كنتش فاهماه و حاسة انه عسير الفهم بجد.. انما لما اتدبست في اني لازم أفهمه و اسبر أغواره لقيته كويس و الله و ابن حلال، خصوصا ان الواحد مش بيضيف عليه اي حد.. همه برضه دائرة المعارف بتاعتك، بس متجمعين في مكان واحد على النت.

    على فكرة يا مها انا بعت لك طلب إضافة ع الفيس بوك :)

    ردحذف
  4. أ/عصفور

    بالفيديو أصبح عند الواحد تحيز مسبق من غير ما يتأكد .. وعموما هو موقع زي أي موقع وزي أي حاجة وزي ما بقول دايما .. ممكن يستخدم صح وفي الخير وممكن يستخدم غلط ويجيب سيئات قد كده

    أ/خطاب

    طيب ما هو الفهم ييجي بالتعامل وبعدين تاخد قرارك إن كنت حتستمر فيه أو ملوش لازمة .. هي دي الفكرة

    علا

    زي ما قلتي كده .. وأنا قبلت دعوتك وشخبطت على لحيطة بتاعتك شوية :D

    ردحذف
  5. انا انا اشتركت فيه وحسه انه موقع كويس لو استخدمناه صح زيه زي كتير من المواقع

    بس ايه الصور الجامه دي

    انا سبتلك رساله في سجل الزور فيها مفاجاة حلوه ليكي

    :D

    ردحذف
  6. دخلته من باب الفضل من قبل لا لشئ آخر ...

    طبعاً بعد يومين لقيت أكثر من 70 واحد علي الفيس بوك وياللهول ...


    فكرته رائعة بالفعل ... :)

    الدنيا بقت تكنولوجيا علي الآخر :)

    ردحذف
  7. بالله المستعان

    الحمد لله أن أعجبتك الصور ، وبشرك الله بالجنة يا بنتي على المفاجأة الحلوة دي :)

    أ/شرقاوو

    نعم كما قلت فجأة وجدت كل الناس هناك والأمر إنتشر كالنار في الهشيم

    المهم أن يستعمل لأغراض هادفة ولا يستهلك الوقت فيما لا يفيد

    الله المستعان

    ردحذف
  8. السلام عليكم

    يعني فيس بوك زي أي موقع علي النت
    إنت ناوي تستخدمه إزاي

    و لأن أنا من هواة التصوير
    فاحبيت أحيكي علي صورك للكويت
    صور الحمام بالذات لأن حسب ماأنا حاسس إنه هيختفي قريب بعد ما هدوا كل المباني اللي كان معشش فيها و بنوا أبراج

    خالص تحياتي

    ردحذف
  9. وعليكم السلام ورحمة الله وبركاته

    الله أعلم لكن هناك تجمعات للحمام كثيرة في الكويت .. الهنود هنا لهم مناطق يتجمعون فيها وتجد هذه المناطق مليئة بالحمام ، يهتمون به كثيرا

    شكرا لتعقيبك

    ردحذف
  10. فعلا و كمان في ناس بتربي حمام في البلكونات بتاعتهم
    لكن مثلا قرب الخليج في الكويت كان في مبني بيتجمع حواليه حمام كتير هدوه من كام شهر
    عشان كده تلاقي الحمام منتشر علي شاطئ الخليج علي غير العادة
    لأنه فقد بيته الدائم في المبني ده
    مشكلة الأبراج الجديدة إنها زجاجية متنفعش كا عشش للحمام
    عموما أنا مش عارف ليه أنا شاغل نفسي بموضوع الحمام رغم إني أصلا مش من هواة الطيور
    أسف للإطالة

    ردحذف
  11. هدخل اشوفه كده عشان منكنش اخر الركب الثقافه حلوة بردو
    تحياتى

    ردحذف
  12. حتى الحمام مش سايبينه في حالة ..
    بالمناسبة .. حد مبيحبش الطيور :) تيجي ازاى دي

    ضد الظلم :

    خذ الحذر إذا لأن كل من دخل هذا العالم أدمنه ..

    ردحذف
  13. ااااااااه ده والله موقع جميل اوي :)

    اساسا انا لقيت دفعتي عاملين كذا جروبز عليه وبيعدوا يتناقشوا وكدة


    ولقيت جروب المدرسة بتاعي

    وجروب المنتديات القديمة اللي كنت بدخلها


    لا فعلا جميل اوي

    بس المهم انك مش تستخدمه للحاجات السخيفة والهبل

    عجبني اوي لما اعدت اجرب فيه وانزل فيه حاجات

    تحس انه وفرلك صفحة خاصة بيك تعمل فيها اللي انت عايزه :)

    ردحذف
  14. السلام عليكم
    عايز اسال سؤال انتى مقتنعه انك تستحقى المركز الرابع انتى شايفه نك اثرت فى حد اصلا
    وكمان فرحانه وحاط البانر
    بجد ضحكتينى
    ربنا يرزقنا الاخلاص

    ردحذف
  15. فلونا

    صح كلامك

    وهو لا يشبة المدونة ولا المنتدى .. متفرد

    أ/علاء

    عرفت عم يتحدث الموضوع .. سأرد هناك إن شاء الله

    المجهول

    وعليكم السلام ورحمة الله وبركاته

    أولا مش أنا اللى شايفه :)

    ثانيا .. أنا حاطه البانر تقديرا لتعب منة صاحبة فكرة الإستقصاء .. في عمل الإستقصاء وتصميم اللوجو

    ثالثا الحمد لله إني عرفت أدخل سرورا على قلب مسلم :)

    رابعا اللهم ارزقنا الإخلاص في القول والعمل اللهم آمين

    جزاك الله خيرا على كلماتك وإن كانت صحيحة وحق ومن الواجب عليك إن رأيت في احد المسلمين كبرا أو عجبا أو غرورا أن تنبهه لكن لماذا هذا الأسلوب ؟

    عامة كنت قررت أن أرفع البانر بعد ثلاث أيام .. وقد فعلت

    ردحذف
  16. و انا بردو و الله كنت بتحسس طريقي عليه و عجبني جدا شغاه و خصوصا الربط الرائع بين الناس و نشاطتهم المختلفة مع بعض..و على فكرة جميلة اوي الصور..سلام

    ردحذف
  17. هو فعلا موقع ظريف وفيه أفكار ممتعة

    وشكرا لإطرائك على الصور


    وعليكم السلام ورحمة الله وبركاته

    ردحذف
  18. ممكن مساعدتكم انا لي يومين بحاول اسجل بالفيس بوك مو راضي يزبط معي شو اعمل وكيف اعرف انو اتسجلت ردولي بسررررررررررررعه الله يخليكم

    ردحذف

إنما الأعمال بالنيات وإنما لكل إمرء ما نوى

بحث في فتاتٌ من كلام

Maha's favorite quotes


"إن لمعركة الخبز ضجيجاً يصم الأسماع , والشعوب العابدة لرغيفها سوف تموت دونه , وعلينا أن نوقظ الهمم إلى المعركة الأقسى , معركة الأرض والعرض , معركة الأرض والسماء , معركة الإسلام الذي يترنح من الضربات على كيانه الجلد !!!"— محمد الغزالي