2008/02/27

أحوالك يا بلد

بسم الله الرحمن الرحيم

السلام عليكم ورحمة الله وبركاته

كان نفسي من ييجي سنة أو أقل شوية إني أكتب تدوينة عن الكويت وعن اللى بحبه واللى مش بحبه فيها

لكن سبحان الله .. مش مجمعة أفكاري ومش لاقيه الحماس للكتابة !

عموما هي الحاجات دي حتتطلع لوحدها في تدويناتي لأن معظم كتاباتي بتكون نتيجة تفاعلي مع الأحداث أو الأخبار حولي

بس مثلا لقيت الكارت ده في مكتبة في ممر في كليتنا



المكتبة دي فيها رفين عليهم أشرطة قرآن ودروس وأناشيد للتوزيع المجاني (والشرائط حلوة فعلا .. لابن عثيمين أو محمد العريفي أو تلاوة لسعد الغامدي أو العجمي أو أناشيد لأبو عمار وغيرهم) .. وفيها كمان زي صندوقين لوضع شرائط الأغاني


الفكرة عجبتني جدا .. عمار يا كويت


الحمد لله .. البلد هنا مش بتخلص فيها الندوات الدينية في كل مكان .. يعني مثلا بعد ما خلص برنامج إيمانيات .. بدأت محاضرات مشروع درر ..
المشروع الإعلامي لرقي القيم (درر) واللى هو الأخ الأصغر لمشروع ركاز لتعزيز الأخلاق


واللى عاجبني جدا جدا في محاضرات المشاريع دي .. إنها بتختار أماكن تجمع الشباب عشان تعمل محاضراتها فيها

يعني هم بيروحوا للشباب

وكمان المحاضرات واختيار المواضيع بيكون واقعي ضمن مشاكل واهتمامات الشباب وهمومهم وباسلوب راقي محبب للنفس .. بحضور دعاة وشيوخ محبوبين ومعروفين .. يا الله .. أسأل الله أن يصلح نواياهم ويجازيهم خير الجزاء

هي دي روح الإسلام .. فعلا تحس إنهم عايزين يغيروا وبيسعوا فعلا للتغيير .. مش مجرد إنك تقول كلمتين ومحاضرة وطلعنا من البيت وعملنا موقع وخلاص
:)

***

حاجة برضة الأسبوع اللى فات زعلتني .. إنه بعد برنامج إيمانيات وزي كل سنة زي ما بيعملوا برنامج ديني ضمن فعاليات مهرجان هلا فبراير بيعملوا حفلات غنائية لنانسي ومحمد عبده ومحمد حماقي ... الخ
:(

***

بمناسبة الحفلات الغنائية وكم الفلوس اللى بيتصرف فيها

من ييجي أسبوع برضة سمعت جزء من برنامج على قناة الناس

الجزء كان عبارة عن مكالمة من إحدى السيدات المصريات .. كانت بتحكي للشيخ إنها كانت حامل في توءم ولما جت تولد مفيش مستشفى قبلت بيها لأنهم مكانوش يقدروا يدفعوا مصاريف الولادة

وفي الآخر ولدت .. لكن الرضيعين كان لازم لهم رعاية في حضّانة .. ونفس المأساة تكررت .. محدش راضي لأنهم فقرا ميقدروش يدفعوا

السيدة بكت .. والشيخ بكى

الرضيعين .. توفيا

وما أثار حنقي ودموعي .. قول السيدة أثناء حديثها في جزء لم أسمع ولم أفهم منه سوى أنها اتصلت ببرنامج 90 دقيقة لتعرض عليهم مشكلتها علّهم يساعدونها

وقالت أن المذيع قد استهزأ بها علنا وقال لها ما معناه أن إنت رايحة تولدي ولا رايحة ترفعي قضية

قالتها بحرقة شديدة وهي تحكي

ايه يا بلد .. ايه اللى حصل .. بقت الفلوس والقوانين هي اللى تتحكم بالبشر .. وهي المعمولة عشان تحمي وتحافظ عليهم

حسبي الله

السيدة مكانتش حتقول على اسم البرنامج .. الشيخ قالها قولي على اسمه .. السيدة صادقة وبكائها على أطفالها وعلى نفسها وعلى بلدها صادق

إلى كل طبيب .. وكل طالب طب .. لا تجرم في حق أخوتك أبناء بلدك .. إنها مسؤولية والله عظيمة .. وإن لم تكن تحملها على أنها كذلك فحَرِيّ بك أن تفعل

حريّ بك أن تفعل

***
أحيانا يستهين الناس بقول العبارات البسيطة البديهية التي تدعو للدين


هل هناك مثلا أبسط من قول : الله هو الإله الوحيد المستحق للعبادة ولا إله غيره !

هي معلومة الكل يعلمها (الكل يعلمها ولكن ليس الكل يؤمن بها)


قلها لمن يعلمها ومن لا يعلمه

افأمامها .. وممن يحاربون الدين الإسلام .. تقال عبارات بسيطة لكنها عبارات كفر وإلحاد

لا .. لا تستهن بكلمة تقال تدافع بها عن دينك أو تنصره أو تدعو بها لهذا الدين القيم

وهذه رسالة لكل من يملك قلما أو (كيبوردا )


وأدعوكم لقرآءة التدوينة المتميزة للغاية عند أخونا بينو صاحب مدونة عيون بعنوان


آخر حاجة .. برضة فيه تدوينة متميزة جدا للديب بعنوان



أدعوكم لقرآءتها ونشرها فهي متميزة للغاية تبارك الله

والختام .. أعتذر لتأخري في الرد على وسم (أنا مسلم) من أخونا وضاح .. ويبدو أني سأؤجله قليلا




التعليقات لديها ما يغني التدوينة أكثر .. أراكم هناك إن شاء الله

هناك 14 تعليقًا:

  1. السلام عليكم

    بقدر ما اعجبتني تلك الروح الطيبة الموجودة في الكويت إلا انه لم يدم اعجابي طويلاً بعد ما قرأته عن الذي يحدث في بلدنا

    ليه كده يا مصر ؟

    ردحذف
  2. وعليكم السلام ورحمة الله وبركاته

    كل بلد فيها الخير زي ما فيها الشر

    يعني مثلا .. مرة بقلب في التلفزيون في يوم 14/2 وبمناسبة الفالانتاين لقيت برنامج 90 دقيقة مستضيف مذيعة كويتية الله يهديها متبرجة ومتدللة بشكل يحزن حقا .. ومذيع البرنامج مبسوط وطاير من الفرحة

    قلت في نفسي بقى يا مصر .. الكويت تستضيف دعاة وشيوخ من عندك وإنت يا بلدي تستضيفي مذيعة بهذا الشكل -هداها الله وغفر لنا- وفي مناسبة كهذه

    لكن العكس بيحصل

    أنا همي بقى إن كل سوء وبعد عن الله يتلاشى .. إن الخير يكون هو القاعدة والأعم

    :(

    وأدينا بنحاول

    ***

    مرحبا بك مجددا وبتعليقاتك :)

    ردحذف
  3. استوقفتني كلمة "أسأل الله أن يصلح نواياهم ويجازيهم خير الجزاء"

    فعلاً دا اهم مافي الموضوع والا بعد الزرع لن تكون هناك ثمرة تجنى..

    موقف السيده وطفليها رحمهم الله غريب بعض الشئ ..

    طيب كان هدفها ايه من الاتصال بقناة الناس ؟؟

    اما موضوع تحكم المديات في حياة الناس في مصر فدا شئ مفروغ منه ..

    ربنا يربط على قلبها ويصبرها

    ردحذف

  4. موقف السيدة وصلتله كالتالي : كنت فاتحة قناة الناس على برنامج زي حصاد الأسبوع .. بيجيبوا فيه ملخص لأهم البرامج والأحداث اللى حصلت في الإسبوع الماضي

    فكان المذيع بيقول إن الفقرة الجاية هي فقرة أكثر المكالمات الهاتفية تأثيرا واللى وردت لبرامج قناة الناس في الأسبوع اللى فات

    فأنا مش عارفه كانت الحلقة بتتكلم عن ايه بالظبط لكن السيدة في نهاية المكالمة كانت بتوجه رسالة للناس على أهمية توفر حضانات ومستشفيات وإنهم يراعوا الفقراء ومحدودي الدخل في البلد

    صحيح أنا بحس كتير إن فيه مكالمات بتكون مفتعلة .. بس بكائها و اسلوبها وكلامها بيدل بشدة على صدقها

    ربنا يصبرها ويثبتها فعلا

    ***

    أكيد فيه نوعية من البشر بتهمها الماديات جدا .. ويمكن تأثر في أخلاقها وقيمها

    بس دلوقتي الحكاية مبقيتش ظاهرة عادية محصورة على فئة معينة .. وده مش طبيعي

    ثقافة المجتمع اللى فرضت عليه فرضا من جراء غلاء الأسعار خلته وحش مادي .. بدل أن يكون التراحم فيما بيننا عن طريق الصدقة والزكاة وأعمال الخير بقت الفلوس لأرضاء النفوس في حفلات غنائية الباذخة واخراج الأفلام الهادمة (أتكلم عن الأفلام السيئة وليس جميع الأفلام .. وعموما هذا يشمل معظم الأفلام هذه الأيام :) )

    إمتى ترجع بلدنا زي ما كانت ؟

    ردحذف
  5. السلام عليكم

    فكرة تبديل الشرائط دي فعلا موجودة عندنا ف مصر بس التبديل مش مجانا
    لكن اللي يحب يبدل شرايط اغاني بشرايط دينية بيدفع فرق بسيط جدا
    ----------

    ياما فلوس وملايين متاخدة اصلا من قوت الشعب المصري واتصرفت على كلام فاضي
    ولايزال هناك ناس مش لاقية تاكل!
    فحسبنا الله ونعم الوكيل
    ----------

    جزاك الله خيرا كثيرا على رابط تدوينة الديب
    ربنا يبارك فيه وفيكِ

    ردحذف
  6. ما اجل الأفكار الجميلة والسيئة

    المهم الروح

    ردحذف
  7. الاخت الكريمة مها...موضع استبدال الخبيث بالطيب فكرة جميلة وهايلة فعلا..وفكرتنى بكليه الصيدلة عندنا فى جامعة حلوان كان فيها مكتبة شرائط دينية فى وسط مبنى الكلية وكانت الكلية الوحيدة المسموح ليها بكده..وفقهم الله لرضاه...والبلد فيها خير كتير بس بيروح فى بطون ناس معينين ...حسبى الله ونعم الوكيل...التدوينة ممتازة ورائعة ...والله ولى التوفيق.

    ردحذف
  8. أ/محمود

    وعليكم السلام ورحمة الله وبركاته

    جزاني وإياك :)

    الحمد لله تدوينة الديب متميزة فعلا :)

    أ/محمد عبد الغفار

    عفوا لكني لم أفهم ؟!!

    ردحذف
  9. أ/عصفور

    هو كده زي ما حضرتك قلت :)

    أ/محمد علي

    بالضبط .. الله المستعان

    جزاكم الله خيرا

    ردحذف
  10. ربنا يبارك فى حضرتك

    مصر بها عمار لكن الدمار اعم على رأيى مهندس عصفور


    اما هذا الذى قال لها انتى رايحة ترفعى قضية

    ماذا نفعل له وقد نزع الله الرحمة من قلبه

    تحياتى

    ردحذف
  11. نعم حسبنا الله ممن نزعت الرحمة من قلوبهم .. إن كانوا أولو نهى أصلا

    ردحذف
  12. السلام عليكم إختي الحبيبة
    :)
    مدونة رائعة بارك الله فيج و في اللي تكتبينه
    و إن شاء الله يوم الخميس 6/3 تنطلق حملة ركاز لتعزيز الأخلاق الثامنة بعنوان ثابت على قيَمي و الله يهدي الكل
    و لمتابعة أخبار الحملة زيارة موقع ركاز و منتدى ركاز و راح تكون في الكويت/السعودية/البحرين/قطر
    www.rekaaz.com
    www.rekaaz.com/vb
    و متابعي لمدونتج إن شاء الله
    الله يوفقج إختي الحبيبة

    إختج في الله:-منال

    ردحذف
  13. وعليكم السلام ورحمة الله وبركاته منال :)

    منورة مدونتي وجزاك الله خيرا على إطرائك الطيب

    ومبروك دخولك عالم التدوين

    وجزاك الله خيرا على تنويهك على حملة ركاز .. بارك الله فيهم :)

    ردحذف

إنما الأعمال بالنيات وإنما لكل إمرء ما نوى

بحث في فتاتٌ من كلام

Maha's favorite quotes


"إن لمعركة الخبز ضجيجاً يصم الأسماع , والشعوب العابدة لرغيفها سوف تموت دونه , وعلينا أن نوقظ الهمم إلى المعركة الأقسى , معركة الأرض والعرض , معركة الأرض والسماء , معركة الإسلام الذي يترنح من الضربات على كيانه الجلد !!!"— محمد الغزالي