السلام عليكم ورحمة الله وبركاته
أصل حقول ايه ؟؟؟ وليه الكلام اصلا وكل اللى ممكن يتقال اتقال بصورة أفضل من القول .. اتقال بالفعل .. كل البطولة وكل الجدعنة وكل الشهامة .. الخير والتعاون والتضحية والثبات والإيثار والاحترام والصبر والحق والقوة والحب والنبل والشجاعة والأخوة و...... أنا مش متعودة أجمع كل الصفات دي في جملة واحدة فما بالك لما أشوفها كلها اجتمعت فجأة في ميدان التحريرعلى أرض الواقع !!! .. ومن يوم 25 يناير واحنا بنشوفها وبتزيد يوم عن يوم .. بعد ما كل حاجة كانت وحشة .. بعد ما كنا غرقانين في الفساد والرشوة والظلم والسلبية والصمت التعيس والخوف والسطحية والـ ... والله لو كلمة فيهم كفاية يبقى ((الظلم)) اللى كنا فيه كفاية انه يوصف بشاعة الموقف .. أنا مصدومة لغاية دلوقتي !! رغم اني كنت من الناس القليلة (على الأقل في محيطي) اللى كانت عارفه ان ثورة 25 دي ثورة حقيقية وإنها إن شاء الله جاية بتغيير وإن كنت ما توقعتش انها حتتطور بالشكل ده أبدا .. بس الصدمة جايه من النقلة دي .. من شدة البرودة لشدة الحرارة .. من شدة الظلام لنور ساطع قوي ..
طول عمري قضية تفضيل مصر ولا الكويت دي مطروحة عليا !!.. وطول عمري لما بقابل الناس وييجي في الكلام حبي مصر وأمنيتي إني اعيش فيها كانوا بيستغربوا .. ويحكو لي عن الفساد ومشاكل البلد .. وعن النعمة اللى انا عايشة فيها ببعدي عن مصر .. ومهما حكولي عمر ما حبي لمصر قل .. بس ما كانش فيه شعور بالفخر .. ما كانش فيه دفاع من جهتي عن مصر ولا عن المصريين .. كان في قلبي حزن ولوم وعتاب .. وطفلة خايفة إن أمها اللى بتسمع عنها دي تكون قلبها اتغير خلاص .. لا يا عالم ده تغيير ظاهري طارئ وحيزول ... أصلي اتربيت على حب مصر رغم اني لا اتولدت ولا عشت فيها ... واتربيت على حلاوة الشخصية المصرية .. على كل الصفات الحلوة اللى شايفينها دلوقتي في ميدان التحرير .. أنا كنت طول السنين اللى فاتت بسأل نفسي هي الشخصية دي خلاص راحت ؟؟ كانت بتاعه زمان يعني وخلاص راحت ؟؟ هل ممكن ترجع تاني ؟؟ هل المصريين لسه جواهم الدفا وحب الجار والجدعنة اللى بتظهر في المبادرة في المساعدة وحماية الأرض والعرض ؟ الجدعنة اللى شفناها في حماية الشباب والرجال للبيوت .. الجدعنة في احترام البنات والنساء وعدم التعرض ليهم بأي حاجة تسيء لهم .. الجدعنة في تقديم الخدمات زي الحلاق اللى فاتح في التحرير مجانا للمتظاهرين وزي الشاب اللى شايل اخوه المصاب بيجري بيه للاسعاف وزي المهندس اللى بيبني دورات مياة للناس في الميدان من جيبه وبعرقه وعرق العمال الجدعان .. زي الستات الجدعان برضه اللى بتدور على الناس توزع بطاطين وأكل وتكنس الشارع وترفع الروح المعنوية .. يااااه وحشتني الجدعنة دي قوي .. ووحشني الفخر بإني مصرية قوي قوي .. ووحشني علم مصر اللى كنت بتعامى عنه وما كانش بيعني لي اي حاجة .. أصله بيفكرني بإنه ما اترفعش بفخر في قلبي ولا مرة .. عمري ما شفته الا وكنت زعلانة على حال مصر ..
آه يا مصر ..
خلاص ما فيش حاجة أقولها .. مصر حبيبتي رفعت راسها وفاقت ورجعت وقلبها زي الفل وابتسامتها بدأت تشقشق من تاني
فيه اللى احسن مني بيتكلموا دلوقتي وانا بنقل صوتهم على الفيسبوك وتويتر ..
السكوت التدويني ده متعمد ... إن شاء الله التدوينة الجاية تكون بالمباركة بتنحي حسني من الحكم وتغيير شامل للحكومة
وبالمناسبة .. الطريق لسه طويل وتنحي حسني مبارك أول خطوة فيه .. لسه فيه رئيس جديد وانتخابات وحكومة ودستور واقتصاد وسياسة جدد نقلق عليهم وبعد كده نصحصح لإسرائيل اللى راكنينها على جنب دلوقتي كده لكن مش ناسيينها .. فإلى وقتها بقى .. حاجة حاجة .. بالراحة على مصر دي كان رقادها طويل .. صباح الخير يا مصر
(التدوينة اتكتبت بالعامية المصرية عن عمد .. وعن شوق وحب)
أصل حقول ايه ؟؟؟ وليه الكلام اصلا وكل اللى ممكن يتقال اتقال بصورة أفضل من القول .. اتقال بالفعل .. كل البطولة وكل الجدعنة وكل الشهامة .. الخير والتعاون والتضحية والثبات والإيثار والاحترام والصبر والحق والقوة والحب والنبل والشجاعة والأخوة و...... أنا مش متعودة أجمع كل الصفات دي في جملة واحدة فما بالك لما أشوفها كلها اجتمعت فجأة في ميدان التحريرعلى أرض الواقع !!! .. ومن يوم 25 يناير واحنا بنشوفها وبتزيد يوم عن يوم .. بعد ما كل حاجة كانت وحشة .. بعد ما كنا غرقانين في الفساد والرشوة والظلم والسلبية والصمت التعيس والخوف والسطحية والـ ... والله لو كلمة فيهم كفاية يبقى ((الظلم)) اللى كنا فيه كفاية انه يوصف بشاعة الموقف .. أنا مصدومة لغاية دلوقتي !! رغم اني كنت من الناس القليلة (على الأقل في محيطي) اللى كانت عارفه ان ثورة 25 دي ثورة حقيقية وإنها إن شاء الله جاية بتغيير وإن كنت ما توقعتش انها حتتطور بالشكل ده أبدا .. بس الصدمة جايه من النقلة دي .. من شدة البرودة لشدة الحرارة .. من شدة الظلام لنور ساطع قوي ..
طول عمري قضية تفضيل مصر ولا الكويت دي مطروحة عليا !!.. وطول عمري لما بقابل الناس وييجي في الكلام حبي مصر وأمنيتي إني اعيش فيها كانوا بيستغربوا .. ويحكو لي عن الفساد ومشاكل البلد .. وعن النعمة اللى انا عايشة فيها ببعدي عن مصر .. ومهما حكولي عمر ما حبي لمصر قل .. بس ما كانش فيه شعور بالفخر .. ما كانش فيه دفاع من جهتي عن مصر ولا عن المصريين .. كان في قلبي حزن ولوم وعتاب .. وطفلة خايفة إن أمها اللى بتسمع عنها دي تكون قلبها اتغير خلاص .. لا يا عالم ده تغيير ظاهري طارئ وحيزول ... أصلي اتربيت على حب مصر رغم اني لا اتولدت ولا عشت فيها ... واتربيت على حلاوة الشخصية المصرية .. على كل الصفات الحلوة اللى شايفينها دلوقتي في ميدان التحرير .. أنا كنت طول السنين اللى فاتت بسأل نفسي هي الشخصية دي خلاص راحت ؟؟ كانت بتاعه زمان يعني وخلاص راحت ؟؟ هل ممكن ترجع تاني ؟؟ هل المصريين لسه جواهم الدفا وحب الجار والجدعنة اللى بتظهر في المبادرة في المساعدة وحماية الأرض والعرض ؟ الجدعنة اللى شفناها في حماية الشباب والرجال للبيوت .. الجدعنة في احترام البنات والنساء وعدم التعرض ليهم بأي حاجة تسيء لهم .. الجدعنة في تقديم الخدمات زي الحلاق اللى فاتح في التحرير مجانا للمتظاهرين وزي الشاب اللى شايل اخوه المصاب بيجري بيه للاسعاف وزي المهندس اللى بيبني دورات مياة للناس في الميدان من جيبه وبعرقه وعرق العمال الجدعان .. زي الستات الجدعان برضه اللى بتدور على الناس توزع بطاطين وأكل وتكنس الشارع وترفع الروح المعنوية .. يااااه وحشتني الجدعنة دي قوي .. ووحشني الفخر بإني مصرية قوي قوي .. ووحشني علم مصر اللى كنت بتعامى عنه وما كانش بيعني لي اي حاجة .. أصله بيفكرني بإنه ما اترفعش بفخر في قلبي ولا مرة .. عمري ما شفته الا وكنت زعلانة على حال مصر ..
آه يا مصر ..
خلاص ما فيش حاجة أقولها .. مصر حبيبتي رفعت راسها وفاقت ورجعت وقلبها زي الفل وابتسامتها بدأت تشقشق من تاني
فيه اللى احسن مني بيتكلموا دلوقتي وانا بنقل صوتهم على الفيسبوك وتويتر ..
السكوت التدويني ده متعمد ... إن شاء الله التدوينة الجاية تكون بالمباركة بتنحي حسني من الحكم وتغيير شامل للحكومة
وبالمناسبة .. الطريق لسه طويل وتنحي حسني مبارك أول خطوة فيه .. لسه فيه رئيس جديد وانتخابات وحكومة ودستور واقتصاد وسياسة جدد نقلق عليهم وبعد كده نصحصح لإسرائيل اللى راكنينها على جنب دلوقتي كده لكن مش ناسيينها .. فإلى وقتها بقى .. حاجة حاجة .. بالراحة على مصر دي كان رقادها طويل .. صباح الخير يا مصر
(التدوينة اتكتبت بالعامية المصرية عن عمد .. وعن شوق وحب)
التعليقات لديها ما يغني التدوينة أكثر .. أراكم هناك إن شاء الله
كلنا بنستنى الخبر الحلو اللي ندون فيه .. و حتى ذاك الحين في القلب دعاء ل "مصر" !
ردحذفمبروك مبروك مبروووووووووووك
ردحذفمبروك مبروك مبروووووووووووك
هديل : دعائك وصل تسلمي والحمد لله وعقبالكم ان شاء الله .. فلسطين دورها جاي بإذن الله
ردحذفالطائر الحزين
الله يبارك فيك الحمد لله والله اكبر .. الف مبروك علينا بلدنا مصر
السلام عليكم ورحمة الله وبركاته
ردحذفكيف حالك اختى الفاضلة مها ، أسال الله تعالى ان تكونى بافضل حال واتم صحة وعافية .
اولا لفت انتبهى جملة فى مقالتلك الرائعة ،( قضية تفضيل مصر وللا الكويت ) استوقفتنى الجملة دى جدا ، وتسألت ولما التفضيل اصلا ، اليست هى بلادنا الاسلامية ، ولما التفضيل اليس الوضع فى الكويت سيئا ان لم يكن اسوأ من مصر ، ولما التفضيل وانتى مصرية وتعيشين فى مصر ولما الكويت بالذات ، هل سبق لك ان زورتيها ؟؟؟
.....
المهم ، حقا قلتى فلن يستطيع الكلام ولا القلم وصف ما كان فى ميدان التحرير ، فلقد قضيت هناك فترة الاعتصامات ولم اكن اهتم بشىء مطلقا ، وكنت اكرر دائما ( انا الان اعيش فى أأمن مكان فى مصر ، وسط اناس لايعرفوننى ولا اعرفهم نبيت على الارض وفى نفق المترو نقتسم اللقمة سويا ، نؤثر بعضنا على نفسه من الاجل الاخرون ، يااااه حقا اشياء لم اكن اتوقع يوما انها لا تزال موجودة بين المصرين ، ذرفت عيانى الدمع وانا اتأمل هذه الروح القوية التى خرجت تهب تريد الحياة بكل معانيها ،استشعرت مدى خوفنا على بعضنا .
هاقول ايه وللا ايه :))
عجبتنى قوى اخر حتة فى التدوينة ، اللى كتبتيها بالعامية المصرية عن عمد وحب وشوق ،
دمتى فى خير وسعادة
تحياتى :)
أ/طارق
ردحذفوعليكم السلام ورحمة الله وبركاته
أشكرك على تعليقك وسؤالك .. أنا بخير حال الحمد لله وأرجو أن تكون كذلك أيضا ...
بالنسبة لي أنا ولدت في الكويت وعشت فيها طوال حياتي وحتى الآن .. دراستي وتخرجي وعملي هنا في الكويت ..
وككل بلد فيها ميزاتها وعيوبها لكن ووفقا لواقع أراه المعيشة هنا أفضل بكثير مما هي في مصر .. وليس هذا رأيي فقط بل رأي العديد من المصريين ممن كانوا يعيشون في مصر ثم انتقلوا للكويت بعد الزواج أو للعمل أو غيره .. لكن تظل مصر غالية على الجميع مهما كان رأيهم في أحوال المعيشة هناك!
وأنا كنت واضحة في جملتي : "قضية التفضيل تعرض علي" حيث أن أقاربنا وصديقاتي في مصر لديهم الفضول للمقارنة بين المعيشة في مصر وخارجها عموما لذا كان السؤال يطرح علي بصورة متكررة : "الكويت أحسن ولا مصر؟ .. ماذا تفضلين ؟" .. ثم تطور الأمر في مرحلة الشباب إلى : "الزواج والاستقرار في الكويت أم توافقين على الزواج والإقامة بمصر؟"
وأظنني حسمت هذا الأمر من زمن ولم يتغير رأيي فيه .. مصر مصر مصر .. رغم أن عملي هنا الحمد لله يدر علي مبلغا مربحا بحق !!! وكما أسلفت فإن المعيشة هنا أفضل .. لكن ماذا نقول في فطرة حب الوطن .. ألم يقال : هب جنة الخلد اليمن .. لا شيء يعدل الوطن :)
السكوت التدويني ده متعمد ... إن شاء الله التدوينة الجاية تكون بالمباركة بتنحي حسني من الحكم وتغيير شامل للحكومة
ردحذفهذا كان نص كلامك أين التدوينة القادمة إذن؟؟
هذه المرة "كسل تدويني غير متعمد" :)
ردحذفحاضر قريبا إن شاء الله :)
شرفتني بتعليقك