2007/03/21

تاني تاج

بسم الله

السلام عليكم

تاني تاج يتمرر لي من أ/ مبرمج حر

هل كنت طالب شاطر فى المدرسة ؟

كنت من المتفوقات الحمد لله طوال سنين دراستي .. رغم إني لا كنت بقعد في أول الصف ولا بختار صاحباتي من الشاطرات ولا بلجأ للغش ولا بقطع نفسي مذاكرة .. وكل ده بيثبت قطعا إنه توفيق من عند الله ثم فضل والدي علي ......

ايه كانت احب مادة و اكره مادة ليك فى المدرسة و الكلية؟

أحب مادة في المدرسة .. الإسلامية ، الأحياء ، ( والكيمياء وجزء الهندسة الفراغية في مادة الرياضيات ) في ثانوية عامة .. والجيولوجيا كانت ظريفة برضة ..

أكره مادة في المدرسة .. الإجتماعيات بلا منازع .. ملكة متوجة على رأي قائمة المواد الكريهة البشعة المقيته .. رغم إني كنت بذوب عشقا فيها أول سنة أخدتها .. سبحان مغير الأحوال

أحب مادة في الكلية .. (أنهو كلية بالظبط :D) ما أنا دخلت حاسبات ومعلومات القاهرة و كلية تربية قسم حاسوب جامعة الكويت .. على العموم أي مادة كانت متعلقة بالكومبيوتر فهي مادتي المفضلة .. أما كل مادة نظرية وعايزة حفظ وملهاش فايدة عملية في حياتي فبكرهها جدا

كنت عايز تتطلع ايه وأنت صغير ؟

باحثة آثار :D .. ولغاية دلوقتي الآثار والأساطير والأماكن الأثرية تعتبر نقطة ضعف كبيرة عندي .. وبلاش أتكلم زيادة لأن زي ما الكل عارف أحلام الطفولة بترجع الواحد لـ .. احم .. براءته الطفولية وفصاحته الرائعة في الكلام وبيبقى منظره لطيف جدا :D

ويمرر هذا التاج إلى :

منار و داليا و أ/يعقوب و لكل من يقرأه

هناك تعليقان (2):

  1. لا مانع من دراسة ما تحبية و تحقيق ما كنت تحلم به من تاريخ و علم الآثار

    ردحذف
  2. متفقين على كره الأجتماعيات , فيها فائدة لكن للأسف حشو كتير

    يا سلام على الأساطير و الأثار , أنا عاشق للأساطير الأغريقية بغموضها و قصصها اللى لا تنتهى , واللى وزد حبى ليها جدا العبقرى د.أحمد خالد توفيق

    ردحذف

إنما الأعمال بالنيات وإنما لكل إمرء ما نوى

بحث في فتاتٌ من كلام

Maha's favorite quotes


"إن لمعركة الخبز ضجيجاً يصم الأسماع , والشعوب العابدة لرغيفها سوف تموت دونه , وعلينا أن نوقظ الهمم إلى المعركة الأقسى , معركة الأرض والعرض , معركة الأرض والسماء , معركة الإسلام الذي يترنح من الضربات على كيانه الجلد !!!"— محمد الغزالي