2008/05/26

اليوم وصلنا لموزمبيق



:)


أولا السلام عليكم ورحمة الله وبركاته

ثانيا .. الإمتحانات حلوة (أيوا حلوة الحمد لله .. محدش يقول إن قولي ده هو أكبر لدليل على تأثيرها السلبي على عقلي :D)

صحيح لخبطت شوية في امتحان التجويد .. لكن مثلا طلعت نتيجة (طرق تدريس) وأخدت +B الحمد لله

والتفسير طلعت منه باتنطط الحمد لله

وكذلك الفقة .. طلعت منه مفتي الديار :D

أما امتحان (حضارة عربية واسلامية) .. رغم إن الدكتور جاب لنا في الإمتحان (في سؤال من ال 11 سؤال) 16 اسم لمؤلفي كتب مشهورين في العصر العباسي والأموي وبعد ذلك .. معرفتش إلا 12 منهم .. وهو إنجاز بالنسبة لواحدة زيي مش بتحب الحفظ (وحفظ الأسماء بالذات) ولا عندي ثقافة التاريخية جيدة (احم في الحقيقة تقريبا ليس لدي ثقافة تاريخية مطلقا .. لا أحب التاريخ ولا الجغرافيا)

ورغم إن من ال 11 سؤال أسئلة يحتاج حلها إلى صفحة كاملة إلا إن الإمتحان كان بشكل عام كويس وإن شاء الله برضة B أو +B

فاضل بقى امتحان حديث الناهرده .. وتاريخ ونحو و(الحاسوب والمجتمع) وأخلص خلاااص

يعني إن شاء الله على 29/5 أنتهي .. من الفصل الدراسي ده طبعا :D

زهقت من الدراسة وأنا لسه في منتصف الطريق .. والكل مشغول بالإمتحانات ولا مجال للخروج الآن فالنت هو المتنفس المؤقت هذه الأيام

طبعا أي حاجة كنت مكسلة أقرأها قبل كده دلوقتي متحمسة ليها جدا

كل المشاغل التافـ .. أقصد غير المهمة إحلوّت في عيني

لولا إني بذاكر في الكلية لكنت بذاكر في المطبخ أو التلاجة في البيت (معروف جدا تأثير المذاكرة على شهية الطالب :D)

بس .. كانت معكم مها في"قبة" سريعة من الغطسة الدراسية و.. عودة لك يا دراسة مرة أخرى :)

(صحيح : شفتوا إزاي وصلنا لموزمبيق :D ده ايه الهنا ده)

(صحيح رقم 2 : إلى الأخ /الأخت من موزمبيق .. أرجو أن تكون فاهما لما يحدث هنا .. لا تدع اختلاف اللغات يفسد التواصل)




التعليقات لديها ما يغني التدوينة أكثر .. أراكم هناك إن شاء الله

هناك 8 تعليقات:

  1. ياعم ربنا يوفقك ويعينك ويكرمك يارب

    وليه B+

    ليه ماتبقاش A ولا +A ؟؟

    هو احنا صغيرين مثلا مانجيبهاش

    الف مبروك على الارسال اللى وصل موزمبيق D: D:

    لا تدع اختلاف اللغة يفسد التواصل

    حاضر .. D:

    ردحذف
  2. ههههههههههه

    أهلا يا طيبة باشا :)

    لا أنا راضية ب B الترم ده .. بالنسبة لكمية المواد وتقلها راضية بال B

    والله يبارك فيك .. محطتنا التالية أدغال السافانا في جنوب أفريقيا (يا ترى الكهرباء بتوصلهم ! .. مشش مهم الوايرلس موجوود)

    :) منورة يا بنتي

    ردحذف
  3. هو انتي بتدرسي ايه بالظبط

    حلوة قوي البوست اللي فاتت عجبتني قوي
    فكرتني بايام الهم

    المهم انا مفهمتش ايه علاقة ده بموزمبيق

    انا كنت زيك بسخر منها

    لكن لما عرفت عنها اكتر بحكم شغلي عرفت انها من اجمل بلاد العالم

    هي تقع شرق افرقيا علي المحيط الهندي بطول 2400 كيلو متر ويقطعها خمس انهار من الغرب وتصب في المحيط بسلسلة شلالات رائعه

    الطبيعه رائعه ومليانه اوربيين


    يلا خلصي بقي بسرعه عايزين نشوف ابداعات تانية ونشوف المسرحية

    ردحذف
  4. أما بخصوص دراستي فكل حاجة عنها هنا

    أما علاقة التدوينة بموزمبيق فلا علاقة بينهما .. أنا رأيت بلد الإستعراض فاستغربت وابتسمت وقررت أن أدون هذه اللحظة وبالمرة أتحدث عن أخبار الإمتحانات .. الثرثرة تخرج بعض التوتر وتجدد النفسية :)

    وأنا لم أقصد السخرية .. طبيعي إن كان المستعرض موزمبيقيا فعلا ألا يفهم من مدونتي شيء :)

    ونعم جنوب افريقيا ذو طبيعة ساحرة .. من أمنياتي فعلا السفر لجنوب افريقيا (سأضرب عصفورين بحجر .. الدعوة والسياحة .. تعرف أن التنصير في جنوب افريقيا منتشر والمسلمين هناك معلوماتهم عن الإسلام شحيحة وإن كانوا أفضل منا في التمسك به .. هذا موضوع يطول شرحه)

    عموما هانت :) جزاكم الله خيرا

    ردحذف
  5. ربنا يعينك وان شاء الله بالتفوق دائما

    مصرية تعيشين وتدرسين فى الكويت

    سعدت بمعرفتك يا مها

    انا اضفتك علىreader لأتابعك دوما

    اول بأول

    ردحذف
  6. السلام عليكم

    الله يوفقك حبيبتي مها والله انتي تعبتي كتير هلكورس خاصة معنا ومع ايام التدريب ...

    بس والله اشتقت لتلك الايام ...تعرفي مها انا اكتر وحده متمنية انك تخلصي امتحانات لحتى تفضي وتكتبي تفاصيل المسرحية نفسي اقرأها بجــد ...

    معك مهلة يومين بس ههه ...استعجلي فيها ...لأني متحمسة جدا لأعيد ذكرياتي مرة اخرى ...

    ربنا يوفقك بلامتحانات ويوفقنــا لأن الحال من بعضه هه...

    في امان الله ومبروووك وصولك لموزبيق المره الجاية جزر القمر هههه

    سلااام

    ردحذف
  7. أميمة كامل

    يا مرحب يا أهلا وسهلا :)

    بل السعادة من نصيبي لانضمام قارئة جديدة لمدونتي :)

    أشكرك ومرحبا بك مجددا :)

    ردحذف
  8. ريموز باشا

    وعليكم السلام ورحمة الله وبركاته

    الحمد لله خلصنا امتحانات وفضينا للتدوينة :)

    يا رب بس ترجع حماستي لكتابتها لأنها فترت شوية :)

    وانت الصادقة المرة الجاية المرييييخ :D

    ردحذف

إنما الأعمال بالنيات وإنما لكل إمرء ما نوى

بحث في فتاتٌ من كلام

Maha's favorite quotes


"إن لمعركة الخبز ضجيجاً يصم الأسماع , والشعوب العابدة لرغيفها سوف تموت دونه , وعلينا أن نوقظ الهمم إلى المعركة الأقسى , معركة الأرض والعرض , معركة الأرض والسماء , معركة الإسلام الذي يترنح من الضربات على كيانه الجلد !!!"— محمد الغزالي