بسم الله
السلام عليكم ورحمة الله وبركاته
كما يقول المثل .. تاج"وسم" من حين لآخر لا يضر .. وسم وصلني من العزيزة ويسبر
هل تسعد عندما يمرر لك أحدهم تاج؟
الجميل في الكتابة وأي هواية هي إنك بتكتب لأنك عايز تكتب .. أو بتمارس الهواية لأنك عايز تمارسها بالشكل اللى تحبه في الوقت اللى تحبه .. ومن منطلق الحرج أحيانا مش بقدر أرفض الرد على التاج "الوسم" اللى بيتبعتلي لأني مش شايفة إن دوري في المدونة الرد على أسئلة الآخرين قدر ما إني أقول اللى عندي وأوصل معلومة معينة .. فتتحول الهواية لنوع من الإجبار .. أول ما نوصل لهنا تقدر أيها الزائر الكريم / أيتها الزائرة الكريمة لك تخمين ماذا ستكون اجابتي على السؤال أعلاه :)
هل مقدار سعادتك أو شعورك أيا كان- عند تمرير التاج لك يختلف حسب المدون الذي يمرر لك التاج؟
مممم .. مظنش .. لأن الفكرة مش في مين اللى مرر .. الفكرة في التاج "الوسم" اللى اتمرر نفسه
هل تستمتع عند إجابتك عن أسئلة التاج؟
على حسب الأسئلة طبعا .. وعموما الحديث عن النفس ممتع لكني لا أجده دوما بهذه المتعة
هل ترى للتاج أهمية حقيقية؟
برضة على حسب الأسئلة .. إذا كانت أسئلة علمية أو ذات فائدة وأهمية فهي تساعد المدون على نقل رأيه ورؤيته إلى الزوار .. وإن كانت شخصية أحيانا تساعد الزوار على تحديد موقفهم من متابعة تدوينات هذا المدون بناء على شخصيته ..
هل فكرت في عمل تاج خاص لك من قبل؟
من حيث فكرت فأنا فكرت فعلا لما عرفت إن أي حد ممكن يعمل تاج بنفسه .. بس كان آخري التفكير .. الله وحده أعلم بس أغلب الظن إنه لا مش حعمل ..
عندما ترد على التاج ما الذي تراعيه اكثر؟
المصداقية
هل تحرص على قراءة اجابات من تمرر لهم التاج ؟ و هل تغير إجابتهم للتاج شيئا في ادراكك لهم؟
طبيعي ، طبيعي
هل تلتزم حرفيا بأسئلة التاج ؟
غالبا
ما هي نوعية التاجات التي تفضلها؟
التي تناقش قضية هامة .. التي تستفزني لأخرج أفضل ما لدي من علم أو رأي .. التي كما قد أعطيها تعطيني .. بمعنى أن السؤال قد ينير تساؤلا هاما في عقلي لم أفكر فيه من قبل .. أو يحفزني للبحث عن موضوع معين لم أعرف عنه إلا القليل ..
إلى من تحرص على تمرير التاج؟
الأول كان لكل اللى أعرفهم وخلاص .. دلوقتي بحاول أختار الأسئلة المناسبة للشخص المناسب "وبحاول أتجنب اللى مش بيردوا على التاجات "الأوسمة" منعا للحرج "
تمرر التاج ده لمين؟
إحم إحم
ردحذفإيه ده تاج لينا :D
طيب أنا هرد على التاج إن شاء الله بتاع حضرتك وبتاع دكتورة ويسبر في البوست الجاي على طوووول
وشكراً على التاج خالص ياآنسة مها .
بسهو يعني إيه أساساً تاج ؟؟
لا وحضرتك لما كتبتيها وسم ، فكرتيني بالHTML
:D
بس هو أكيد فيه سبب للتسمية بس أنا معذور بالجهل
ردحذفتمام كده :D
جزاك الله خيرا
أما التاج ده حكاية فعلا ..
هو عبارة عن مجموعة أسئلة بيكتبها أحدهم وبيمررها للمدونين وكل مدون يمررها للباقي .. وبيكون التاج أو الوسم - وهو ترجمة لكلمة التاج وهي فعلا تشابه مصطلح تاج أو وسم لغات البرمجة - عن موضوع معين أو عدة أسئلة عامة .. بس :)
السلام عليكم
ردحذفبجد .. إجاباتك جميلة ومتناسقة .. وتوحي بالصدق
ربنا يكرمك
وعليكم السلام ورحمة الله وبركاته
ردحذفالحمد لله
جزاك الله خيرا :)
شطووووووووووووورة
ردحذفواجاباتك طبعا جميلة
ربنا يكرمك يارب
:)
الله يكرمك يا جميل
ردحذف