بسم الله الرحمن الرحيم
السلام عليكم ورحمة الله وبركاته
فكرة تاج ظريفة جدا من عند مبرمج حر
BBC arabic و radio SAWA لما أحب أتابع أخبار التكنولوجيا وأخبار العالم بفتح
هما سيدتا الموقف Zoma و Bejeweled لما أحب ألعب على الكومبيوتر
لما أحب أقرأ مقالات إسلامية حلوة واسلوبها ممتع بفتح صيد الفوائد و موقع مطويات وذكر
لما أحب أكتب .. بحب أكتب خواطر بس تكون مسجعة
لما أحب أطبخ .. بحب أتبل الدجاج جدددداااا
لما أحب أقرأ أدب عالمي بحب الروايات اللى من طراز (رحلة إلى مركز الأرض) و (العالم المفقود) و (أسرة روبنسن كروزو)
السلام عليكم ورحمة الله وبركاته
فكرة تاج ظريفة جدا من عند مبرمج حر
BBC arabic و radio SAWA لما أحب أتابع أخبار التكنولوجيا وأخبار العالم بفتح
هما سيدتا الموقف Zoma و Bejeweled لما أحب ألعب على الكومبيوتر
لما أحب أقرأ مقالات إسلامية حلوة واسلوبها ممتع بفتح صيد الفوائد و موقع مطويات وذكر
لما أحب أكتب .. بحب أكتب خواطر بس تكون مسجعة
لما أحب أطبخ .. بحب أتبل الدجاج جدددداااا
لما أحب أقرأ أدب عالمي بحب الروايات اللى من طراز (رحلة إلى مركز الأرض) و (العالم المفقود) و (أسرة روبنسن كروزو)
والتلاتة دول بالذات استمتعت ايما استمتاع بقرآءتهم
لما أحب أختار قلم عشان أكتب بيه .. بختار قلم رصاص .. أو أزرق جاف
لما أحب أعمل أي حاجة .. بحب أعملها بمرح ، بحماس ، بابتكار
لما أحب أطلع من حالة غضب أو ضيق أو حزن بروح أتمشى على البحر
لما أحب أدور على أي تسجيل اسلامي : أناشيد / شرائط ... الخ .. بتوجه إلى الشبكة الإسلامية .. وأنا على شبة يقين إني إن شاء الله حلاقي التسجيل اللى بدور عليه
لما أحب أتكلم ..مبحبش الصوت العالي ولا العصبية ولا الضحك على الصغيرين (الكذب أو الاستخفاف أقصد) وبحب خير الكلام .. ما قل ودل .. وإني أطلع من الكلام بفائدة .. معلومات ثقافية ، خبرات اجتماعية ، تبادل أفكار وآراء حول موضوع معين .. الخ
لما أحب أتعامل مع الناس .. بحب أتعامل بجدية لكن بلطف ، بعملية لكن من غير جمود ومبحبش أكون في "السبوت لايت" بحب أكون في ركن خفي أراقب الجميع وأتفاعل حينما أريد
لما أحب أخرج .. مبحبش أروح السوق أو زيارات للمنازل أو حفلات أو أمكان أضطر فيها للإنتظار .. بحب أروح ندوات ومحاضرات و مجالس الذكر.. وأي حتة فيها بحر أو نهر
لما أحب أقرأ مجلات .. بقرأ العربي ، الوعي الإسلامي ، عالم المعرفة ، الكوثر ، الفرقان وكل سنة مرة كده سيدتي .. ده بغض النظر عن مجلة ماجد و ميكي وبطوط
لما أحب أمرر التاج أحب أمرره إلى كل من قرأه وسيعقب عليه إن شاء الله
+
التعليقات لديها ما يغني التدوينة أكثر .. أراكم هناك إن شاء الله
تصدقي يا أستاذة مها فكرته راقية جدا
ردحذفوأنت إجاباتك راقية
وتمريرك على عيننا وراسنا
بارك الله فيك
ما شاء الله , اجابتك جميلة ومفيدة كالعادة وكمان بتفتح النفس
ردحذفربنا يبارك فيكى
وجزاكم الله خيراً يا أستاذ عصفور على رأيكم فى التاج
:)
ظريف الموضوع دا
ردحذفبس في حاجات مستغربها شوية
وفي حاجات طبيعيه
يعني مين اللي ميحبش ميكي او مجله ماجد بس ماجد بتاعه زمان لان دلوقتي مبقتش تيجي مصر وكمان مش بجبها
ميكي ممكن نستعرفها من اي طفل والحمد لله دول كتير اللي بيجبوها
تاج ظريف
جميل الفكرة والاجابات
ردحذفوربنا يحببك فى كل الحاجات اللى بتحبيها كمان وكمان ويقربك منها ويقربها ليكى
أ/عصفور
ردحذفاه ما شاء الله .. عجبتني الفكرة وتحمست ليها .. مع إني اتأخرت في الاجابة بس كنت عايزة أجاوب على روقان
وفيك بارك الله ، في انتظار إجابتك على الوسم
مبرمج حر
بل جزاك الله خيرا ، فكرة التاج جميلة وممكن تولد أفكار هائلة .. عشان كده مررته لأكبر عدد من الناس
وفيك بارك الله
أ/محمد
ردحذفمعقول ماجد مبتوصلش مصر ؟؟ المفروض موجودة بس تلاقي أماكن توزيعها قلت
أنا فضلت لغاية ما دخلت الجامعة متابعة ماجد .. وفي الجامعة بقيت أقرأها بس مش بانتظام .. ودلوقتي كل ما أشوف عدد قدامي لازم أقرأه سواء عدد جديد أو قديم
ايه هي النقاط اللى اثارت استغرابك ؟
في انتظار إجابتك على الوسم :)
الطائر الحزين
جزاك الله خيرا على الدعاء الطيب .. لقد أضفت اسمك لقائمة المرسل إليهم
في انتظار إجابتك
السلام عليكم
ردحذفما شاء الله فكرته جميلة وجديدة
فكرني بتاج آخر كنت أفكر فيه .. هو قريب من هذا
وإجابتك ما شاء الله جميلة وراقية بصدق
صحيح .. بتحبي تتبلي الدجاج .. هذا نصف الطريق يعني الطبخة لم تكتمل بعد
أحييك على اختيارك لأماكن خروجك بهذه الطريقة
بالمناسبة ميكي وماجد كانوا هم المجلتين المفضلتين عندي في السعودية .. أما في مصر فغالبا كنت أقرأها مع أي طفل حتى فترة قريبة
أعانك الله وجزاك الله خيرا على هذا الوسم :)
بإذن الله أجيب عليه في أقرب وقت قبل رمضان
أ/وضاح
ردحذفوعليكم السلام ورحمة الله وبركاته
احم .. أنا لو كنت فتحت كلام عن الطبيخ مكنتش حسكت اليوم ده :D
أنا فكرت أقول أنواع الأكلات اللى بحب أعملها وازاى كنت بطبخ وأنا صغيرة وإهتمامي المبكر بالطهي والأكلات التي لا أحب صنعها لكن أشفقت على القراء من كل هذه الثرثرة :)
فقلت أجيب المختصر المفيد .. فعلا بستمتع وأنا بتفنن في إضافة التوابل لأي أكلة وتجريب خلط أنواع مختلفة مع بعضها البعض
وطبعا بكمل الطبخ للآخر دي حاجة بديهية :D
أما اختياري للأماكن فالحمد لله ليس لي تقريبا دخل فيه .. أظنها البيئة والتربية هما ما شكلا هذ التفضيل فلله الحمد
جزاك الله خيرا وفي انتظار إجابتك
دى اول مشاركة ليا هنافي مدونتك يا مها ..بجد والله عجبتنى اووى كلامك جميل ماشاء الله هو اللى دفعنى ان اشارك
ردحذفوخصوصا انى بحب ماجد كمان
:D
ربنا يكرمك بجد
فامى
:d
ردحذفلذيذ فعلاً
ربنا ييسر بقى و ارد عليه هوا و صاحبه المخلل عندي بقاله فترة ده :d
فامي باشا
ردحذفمرحبا بك هنا وهناك وفي كل مكان .. والتاج كده وصلك .. في انتظار اجابتك
مجااااااهدة .. فييينك اختفيتي وغطستي فين بس ..
ربنا يعينك يا رب أنا عارفه إن عليك مليون حاجة ورد وموضوع تكتبيهم .. أجي أساعدك ؟!
إختارتي روايات جميلة جدا ضيفي ليهم من الأرض إلي القمر و حول العالم في 80 يوم و توم سوير و جزيرة الكنز ده مجموعة مش بمل من تكرارها
ردحذفشكرا لك :)
ردحذفنعم هناك روايات لا يمل الإنسان من تكرارها :)
رغم أني لا أحب الروايات المترجمة (الترجمة بالتحديد) لكن هناك استثناءات من القاعدة :)