2008/01/09

شتان بين بكاء .. وبكاء

بسم الله


السلام عليكم


مهو يا الدنيا برد يا الواحد يذاكر .. مينفعش الإتنين مع بعض


:D


كنت في امتحان التجويد .. والبرد وقلة النوم والتعب قد أخذا مني كل مأخذ .. فإذا بي عند سؤال أضحك منه حتى بدت نواجذي .. هو تقريبا رد فعل زيادة لحالة التعب اللى كنت فيها .. المهم السؤال كان محطوط بطريقة مش أي حد ياخد باله منه


(صح أم خطأ : حروف الإستعلاء هي خص ضغظ جد )


وطبعا هي خص ضغظ قظ .. بس اللى مستعجل مش حياخد باله .. بس عجبني السؤال جدا


***


إمتحان التفسير .. برضة صح أم خطأ .. بس المرة دي سؤال جنني وغاظني جدا


عيسى عليه السلام هو آخر أنبياء بني إسرائيل


طيب صحيح إن كل نبي بعث لقومه خاصة والرسول صلى الله عليه وسلم بعث للناس عامة وأن آخر أنبياء بني إسرائيل خاصة هو عيسى عليه السلام بس الرسول صلى الله عليه وسلم بعث لبنى إسرائيل من ضمن الناس يبقى ايه بقى ؟؟


أنا عملت غلط ووضحت رأيي في الموضوع .. بس طلع لا هم حاطين الإجابة إنها صح مش غلط


***


تقبل الله طاعتنا وطاعتكم :)


شهر محرم داخل يا جماعة .. وهو شهر عظيم لو تعلمون


شهر محرم بين الإتباع والإبتداع - طريق الإسلام


مطوية شهر محرم - موقع وذكر


أنصحكم بمطوية وذكر لشهر محرم .. ملونة وجميلة ومختصرة وفيها المفيد إن شاء الله

***

يضم العام الميلادي القادم 2008 ثلاث سنوات هجرية

بدءاً من عام 1428 هـ

مروراً بعام 1429 هـ

وانتهاء بعام 1430 هـ

ستكون الأيام الأخيرة من عام 1428هـ مع أول أيام العام2008 الميلادي،

ليأتي عام 1429هـ كاملاً في عام 2008 حيث يبدأ في شهريناير عام 2008 و ينتهي في ديسمبر

وبنهاية ديسمبر من العام 2008 يبدأ عام1430هـ.

يرجع ذلك لكون السنة القمرية تتكون من حوالي 354 يوماً

بينما السنة الميلادية تتكون من 365 يوماً

ليكون الفارق بينهما 11 يوماً

وهذا الفارق يؤدي إلى أن يشهد العام 2008 الميلادي ثلاث سنوات هجرية

تتكرر هذه الظاهرة كل 32 سنة شمسية التي تساوي 33 سنة قمرية

هذا الوضع يتكرر ثلاث مرات كل 100 سنة

وقد أشار القرآن الكريم إلي هذا الأمر في قوله تعالى في سورة الكهف

«ولبثوا في كهفهم ثلاث مائة سنين وازدادوا تسعاًقل الله أعلم بما لبثوا له غيب السموات والأرض»

لان أهل الكهف لبثوا في كهفهم 300سنة شمسية تعادل 309 من السنوات القمرية

فسبحان ربي العظيم

***

كلاهما شاب


كلاهما يحيا في هذه الحياة


و كلاهما .. يبكي


لكن شتان بين بكاء .. وبكاء








هذا يعني بمناسبة الخبر اللى زي العسل على القلب إن يوم خسارة الاهلى هو الاكثر حزنا خلال العام الماضى



التعليقات لديها ما يغني التدوينة أكثر .. أراكم هناك إن شاء الله

هناك 15 تعليقًا:

  1. بارك الله فيك وثبتك على الحق

    المشكلة مش فى تشجيع الكرة
    المشكلة ان تكون الحياه هى الكرة

    دعواتك

    ردحذف
  2. فعلا

    شتان بين بكاء وبكاء
    تذكرة رائعة لنا

    بارك الله فيكم

    ردحذف
  3. جزاك الله خيرا

    انا جبت ابني وفرجته على الفيديو
    الكورة واكله دماغه وباحاول معاه في حفظ القران
    ادعوله ربنا يتم عليه حفظ القران هو واخته ويرزقهم حروفه وحدوده

    ردحذف
  4. جزاكم الله خيرا أختنا

    ربنا يكرمك

    فعلا

    شتان بين بكاء و بكاء


    بس على فكرة السؤال بتاع التجويد ده خادع

    اللى يقرأ بسرعة يتلخبط

    يلا خير


    د.حمـــــاس

    ردحذف
  5. السلام عليكم ورحمة الله وبركاته
    أدعو الله أن يتمم عليك الامتحانات بالتوفيق والنجاح....
    وشكراً على المطوية
    جزاك الله خيراً
    أخوك
    محمد

    ردحذف
  6. عجيب الأسئلة صح وغلط والتي تكون محتملة بتبرير لأن تكون صوابا أو خطأ والعبرة في التبرير ولكن المصحح يعتمد علة مطابقة الإجابة للمطلوب

    كل عام وأنت بخير وأذكركم بالاجتهاد في الصيام في شهر الله "المحرم"

    ردحذف
  7. الاخت الكريمة مها اعانك الله ويسرلكى الامتحانات ...فعلا شتان بين بكاء وبكاء واحد بيكى عشان فريقه خسر والتانى فتح الله عليه يبكى وهو يختم القرأن يارب اعنا على حفظ كتابك والعمل به أه انا بيتحرق دمى قوى ياما الفريق المبتلى بتشجيعه اللى هوا الزمالك بيتغلب بس ماتوصلش فى الايام ديه ان ابكى طب أولى ابكى على الاقصى والعراق ولبنان والسودان وافغانستان وعلى الحرب الى فيها المسلمين والاضطهاد اللى بيتعرضوله ولاابكى على قسوة قلوبنا والوهن الى بقينا فيه اقول ايه ولا ايه ...انا لله وانا أليه راجعون...وجزاكى الله خيرا على التذكرة بفضل الشهر المحرم وأذكرك ونفسى بالصيام فيه فهو خير الصيام بعد رمضان ...والله ولى التوفيق.

    ردحذف
  8. أسئلة الصح وخطأ .. أحيانا توضع بطريق تحتمل الوجهين .. المفروض أن يعتمد المصحح على التعليل وليس على نوع العلامة

    أعانك الله

    بالنسبة للفيديو

    لا أجد ما أقوله عليه .. إلا أني عندما بدأ العرض ووجدت الذي يتحدث عن الكرة .. وضعت يدي على قلبي لما سأراه بعد ذلك

    سبحان الله .. آخر ما كنت أتوقعه .. أبكاني

    جزاك الله خيرا أختي

    ردحذف
  9. الطائر الحزين

    وفيك بارك الله

    وتمام .. زي ما حضرتك قلت .. أنا كنت محتارة أكتب الملحوظة دي ولا لأ بس لقيتها أوضح من إني أشير إليها

    أسأل الله لي ولك وللمسلمين من الخير كله عاجلة وآجله

    صاحب المضيفة

    وفيكم بارك الله

    ردحذف

  10. سها

    ما شاء الله .. بارك الله لك في ابنائك ورزقتك برهم وبلغوا أشدهم :)

    أنا بقى ناديت أخويا الصغير 8 سنين ووريته الفيديو .. مع إنه مش بيحب الكورة بدرجة زيادة عن اللزوم لكن حبيت إنه يكون واعي وفاهم أولوياته كمسلم صغير ايه .. والحمد لله أخويا ذكي وبيلقط على طول .. لقيت في عنيه نظرة جميلة فيها استيعاب للمعلومة وزي ما يكون بيدورها جوه مخه :) ربنا يبارك فيه ويبارك في اولادك وأولاد المسلمين

    :)

    ردحذف

  11. د. حماس

    آه فعلا .. :D

    بس على مين .. صحيح أنا كنت شبة نايمة وبحل الأسئلة حل اللى عايز يخلص ويقوم بس لما وصلت للسؤال ده صحصحت وضحكت بانتصار .. اللى حط السؤال ده عجيب فعلا :) الحمد لله إني أخدت بالي :)

    أ/محمد الجرايحي

    وعليكم السلام ورحمة الله وبركاته

    جزاك الله خيرا على الدعاء الطيب .. اللهم آمين
    والعفو :) أرجو أن ينفعك الله بها وأن يصلني الأجر :)

    ردحذف

  12. أ/عصفور

    والله أنا قلت كده برضة .. ولما طلعت من الإمتحان زميلاتي قعدوا يتجادلوا في النقطة دي كتير بس أنا فضلت ساكته مع مسحة ضيق .. ليه .. لأن المهم إن الواحد يكون فاهم اللى بيقوله وخلاص .. بعد كده درجة تروح درجة تيجي الدنيا ما طارتش

    جزاك الله خيرا على التذكرة .. فاتني للأسف صيام يوم الخميس واللى هو أول أيام العام الهجري رغم إني كنت ناويه صيامه لكن نسيت قدر الله وما شاء فعل

    بقيت عماله أضرب أخماس في أسداس .. هل هذا جزاء لي عن ذنب
    أم أقعدني الله وثبطني لأنه كره إنبعاثي
    أم أنها منحة من الله أن نسيت وأفطرت ولي الأجر بالنية

    الحمد لله على كل حال .. وأستغفر الله وأتوب إليه
    شكلي محتاجة دعوات جامد :)

    ردحذف

  13. أ/محمد علي

    أكيد طبيعي إننا كبشر بنتفاعل مع الأحداث اللى حولنا خصوصا لو حدث بنحبه أو بنكرهه .. وده محدش يقدر يقول فيه حاجة .. يعني الفيديو مش بيناقش من قريب أو بعيد قضية الكرة أو إنه بيسفه اللى بيتابعوها أو غيره .. هو بيناقش قضية الأولويات زي ما حضرتك قلت

    جزاك الله خيرا على التذكرة .. أعاننا الله على ذكره وشكره وحسن عبادته وتقبل منا طاعتنا

    أخونا وضاح

    بالنسبة للإمتحان وسؤال الصح والغلط فراجع اجابتي على أ/عصفور فهو قد اثار مثلك هذه النقطة

    وأنا أيضا لم أتمالك نفسي من البكاء بحرقة عندما رأيت هذا الموقف العظيم -ختم القرآن في أشرف بقاع الأرض وسجود الشاب ووالده وبكاء الشاب تأثرا بهذا الشرف العظيم - وخاصة بعد ان جاء بعد موقف مؤلم مثل المشهد الأول

    يا رب ارزقنا مثل ما رزقت هذا الشاب

    ردحذف
  14. جزاك الله خيرا
    الفيديو بكاني اوي
    يارب يقدرني واثبت الحفظ واكمل
    ويقدرني واحفظ اولادي
    امين

    ردحذف
  15. جزاني وإياك الخير كله يا لحظة :)

    واللهم آمين

    ردحذف

إنما الأعمال بالنيات وإنما لكل إمرء ما نوى

بحث في فتاتٌ من كلام

Maha's favorite quotes


"إن لمعركة الخبز ضجيجاً يصم الأسماع , والشعوب العابدة لرغيفها سوف تموت دونه , وعلينا أن نوقظ الهمم إلى المعركة الأقسى , معركة الأرض والعرض , معركة الأرض والسماء , معركة الإسلام الذي يترنح من الضربات على كيانه الجلد !!!"— محمد الغزالي