2009/03/29

البساطة أولا


بسم الله الرحمن الرحيم



السلام عليكم ورحمة الله وبركاته


منذ زمن لم أكتب تدوينات تقنية مع حبي لهذا المجال .. وقد جاءت الفرصة أخيرا

***


لقد تعلمت أن المبتدىء يستطيع فى أحيان كثيرة ملاحظة أمور قد تخفى على الخبير ,
فالنجاح إذن يتوقف على عدم
الخوف من إرتكاب الاخطاء وعدم الخوف من الظهور بمظهر المتعلم البسيط
أبراهام ماسلو

***


لا أعلم إن كنتم لاحظتم في الفترة السابقة كان لدي خطأ في ظهور تاريخ نشر التدوينة في أعلى يسارها .. تظهر لي بدلا من التاريخ كلمة (undefined) كبيرة بشعة باللون الأحمر ..



قلت لابأس حان وقت اللعب قليلا فلنصلحها ..


وهنا وقعت في خطأ كبير .. فكرت : لابد أن يكون الخلل في النص البرمجي Code .. وشمرت عن ذراعي واتجهت بابتسامة العارفين وخطوة الواثقين إليه



جعلت أتتبع النص البرمجي tracing .. الجزء الأول كان CSS وأنا مبتدئة فيها .. ثم html أو xml وخبرتي في الـ html جيدة .. حتى الآن لا يوجد أي خطأ والنص البرمجي ممتاز .. وصلت إلى جزء Java script .. آآآه ليس لي فيها لكن بعض لغات البرمجة تتشابه بشكل ما .. يمكن لمن درس بعض اللغات أن يقرأ لغات أخرى .. وحتى هذا الجزء لا يبدو "منطقيا" خطأ


وعدت للبداية وغيرت في النص بما فتح الله لي


وأظلمت المدونة ونورت وظهرت بالسرياني والهيروغليفي واستدارت وانقلبت رأسا على عقب .. ومازالت كلمة (undefined) تطالعني بوجهها الأحمر الساخر متحدية ..


هنا يا إخوان بدأت أجن وأتضايق



النص البرمجي صحيح .. وقد وضعت بعض الاحتمالات وفندتها (مثل إعداد تغيير المدونة للغة العربية أو أن النص البرمجي قد وضع خصيصا لمدونات الـ wordpress وغيرها ) .. فمن أين الخطأ إذن ؟


عدت لصفحة القالب الأصيلة وأخذت أتتبع صفحات الويب الواحدة تلو الأخرى حتى وصلت لمرادي :


الخطأ –وليس خطأ في الحقيقة إنما ما فاتني- أنه يجب تعديل بعض الإعدادات في المدونة بحيث تناسب هذا القالب


هكذا بكل بساطة ضغطة زر .. لا نصوص برمجية ولا تتبع ولا احتمالات


Keep It Short & Simple


هذا خطأ يقع فيه الخبراء والمختصين كثيرا (ولا أزعم أني هذا أو ذاك) ولكن الفكرة أن الخبير أو المختص في شيء يتوقع الأسوأ وينطلق من هناك .. أو أنه بعدما تعدى قاعدة المعلومات البسيطة .. ألغى البساطة من قاموسه (طبعا أتحدث عن فئة وليس الكل)


فمثلا هات خبير أمام جهاز لا يعمل .. سيفككه لك مليون قطعة ويخرج أسلاك ويبدلها ويأتي بمليون قرص مرن عليها برامج لها ثقلها المادي والمعنوي .. ثم يخبرك بأن الجهاز بحاجة إلى استبدال


بينما هات رجل ذو خبرة بسيطة .. سينظر إلى أبسط الأشياء أولا .. ربما القابس غير موصل .. أو سلك خارجي مقطوع .. أو يحاول ببساطة إعادة تشغيله


قد تذكرت فور حلي لهذه المشكلة الخطوات التي درسناها في مادة صيانة الحاسب والتي لم أتذكرها للأسف منذ البداية مما أدى بي لهذا الدوار كله (وإن كنا قد درسناها بالإنجليزية إلا أنني سأترجمها هنا)



الخطوة الأولى : اسأل الأسئلة :

  • هل تستطيع أن تريني المشكلة ؟
  • كم مرة تحدث ؟
  • هل أحدثت تغيرات (أضفت مكونا صلبا أو برنامجا جديدا أو استبدلت شيئا بشيء) ؟


الخطوة الثانية : تأكد من أبسط الأشياء :
  • هل الكهرباء موصلة ؟ بكلا الطرفين (طرفي السلك)
  • هل يعمل ؟
  • هل كل شيء في موضعه الصحيح

الخطوة الثالثة : تحقق إن كان الخطأ من المستخدم :
  • هل كنت تستطيع أن تفعل هذا قبل حدوث المشكلة ؟ (إن كانت الإجابة بنعم أجر Trouble shooting للعملية ، إن كانت بلا علم المستخدم كيف يؤدي الإجراء)


الخطوة الرابعة : أعد تشغيل الحاسوب


الخطوة الخامسة : حدد مصدر المشكلة : برمجية أم من الأجزاء الصلبة (إن كانت من الأجزاء الصلبة فمن أيها ؟)

الخطوة السادسة : أثناء المحاولات أجر تغييرا واحدة كل مرة حتى تستطيع تحديد مصر المشكلة


الخطوة السابعة : استخدم الانترنت في البحث عن مشاكل مشابهة وحلول (على الأقل هذا تذكرته وطبقته وإن كان متأخرا)


الخطوة الثامنة : ابحث عن مساعدة (هنا أخيرا يمكنك أن تصرخ طالبا النجدة :D وقد فعلت هذا بالفعل وجزاها الله خيرا إسراء صاحبة مدونة سوستي باشا على مساعدتها)


وأخيرا لا ننسى مبدأ KISS أي Keep It Short & Simple

فكمال الخبرة ليس في معرفة التفاصيل الدقيقة والمعقدة فقط إنما في الإنتباه لأبسط الأشياء ومعرفة كيفية معالجتها (سواء كانت المعالجة في الإصلاح والصيانة أم كانت في التقديم والعرض والشرح)


وهناك مبدأ آخر للبساطة يقول : كن بسيطا .. ولكن ليس أبسط من ذلك (أي لا تصل بهذه البساطة إلى حد تفسد معه الأمور)


وهل هناك أفضل من البساطة !



متعلقات :

أكثر ما أحبه في ايكيا بساطتها

يوم صيانة




التعليقات لديها ما يغني التدوينة أكثر .. أراكم هناك إن شاء الله

هناك 38 تعليقًا:

  1. ماشاء الله تدوينه لطيفه جدا

    انا فاكر زمااااان ايام ثانويه عامه.. كان في الكيمياء كان فيه اسئله اللي هي تحويلات بالمعادلات.. اللي هو كيف يمكنك الحصول على المركب كذا من المركب كذا.. فنكتب 5 6 معادلات وكان بيبقى سؤال منيل لانه فعلا شديد التعقيد وكثير الاحتمالات.. فالمدرس مره علملنا في الامتحان مطلوب بيتعمل بمعادله واحده مباشره بس..
    انا عن نفسي كتبت 4 او 5 معادلات وبعدين ليقتني رجعت للمعادله الاولى الاصليه وبعدها كتبت المعادله الصحيحه !!
    وليا واحد صاحبي منساش ابدا المدرس ورانا كشكوله.. كتب ورقتين كلهم معادلات بكميه بشعه !!! وموصلش لاي حاجه خالص

    ودايما انا كنت بحب في اي حاجه عامة اعمل الحاجات الصعبه عشان اخلص منها واريح دماغي.. بس فعلا الى حد كبير الحكايه دي مش صح وبتضيع وقت كبير ولو مظبطتش بيكون الناتج النهائي صفر
    يعني لازم الواحد يكون دايس اوي في الحاجه اللي بيعملها لو بيعمل كده.. فيما عدا ذلك يبدء بالسهل فالاصعب

    ردحذف
  2. هممممممم كل مسأله معقده بتنحل هفففففف حاسوب من اصعب ما شفت والله ولكن احب تعقيدها والرياضيات اخر !! :] اما بمناسبه الكيمياء
    buffer دايما هي الحل اشي بعمري ما شفت اصعب منووووو !!!
    "buffer"
    وتستخدم في المحاليل المنظمة للمحافظة على الرقم الهيدروجيني عند درجة ثابتة في عدد كبير من التطبيقات الكيميائية.

    ردحذف
  3. بعيداً عن التدوينه اللى عجبتنى جداً

    :)

    مبدأ البساطه والتفكير المنطقى المنظم

    أفضل بكتير من التفكير المعقد ..

    وزى ماقلتى لما يكون فى مشكله ما بتواجهنا نلجا للتفكير المنطقى يعنى واحد اتنين تلاته والأبسط الأول

    بدل مثلاً ما أفك الجهاز طب ما أشوف الوصلات سليمه ولا لأ ..

    دا مش فى عالم الحاسوب بس المبدأ دا ينطبق على الحياه كلها

    keep it shortly & simple

    :)

    ردحذف
  4. السلام عليكم ورحمة الله وبركاته


    ما أروع البساطة واجملها فى كل شىء

    فى تعاملك مع من حولك .. فى ملاطفتك وطفولتك التى تصنعها أنت من أجل طفل صغير .. قبل مبارة اليوم التى خيبت آمالى كنت أداعب رجل كبير فى السن .. الغربة حفرت فى ذاكرته تجارب سنين أتعلم منه كلما صادفنى داعبته .. ما أجمل أن تجعل الابتسامة ترتسم على وجه من أمامك بعفويتك وضحكتك وتلقائيتك

    وليس عيباً أن أكون تلميذا لمن هو أصغر منى أن كان أكثر علماً منى .. والبرمجيات والاكواد والهاكات عالم يحتاج تركيز يسبقه علم بكل خطوة .. وان كان الافضل قبل القيام بعمل أى تجديد أو تحديث أخذ نسخة من العمل قبل التعديل .. وكل يوم نتعلم جديد

    شخصيا أحتاج الكثير لموقعى من برمجة وعمل ومتابعة .. لكن ماذا نقول للحياة والسرعة القيوة التى نحيا فيها

    أكتب هذه الكلمات وتتساقط حبات المطر .. نسأل الله الخير للجميع
    دعواتى لكى بالصحة والعافية

    ننتظر جديدك دوماً

    ردحذف
  5. مبروك الشكل الجديد رائع
    جزاك الله خيرا على الموضوع
    دائما أقول لزملائي في العمل
    فكر بعقلية الطفل أولا

    أحيانا يكون الحل أمام العين ولكن إذا أقفلت قليلا وليس بفتحها كاملة

    أقول تعليقا على هذه العبارة

    فمثلا هات خبير أمام جهاز لا يعمل .

    الخبير المفروض أن يكون خبيرا أيضا في التفكير ببساطة أولا

    ردحذف
  6. أخونا طارق

    :D تقريبا فكرة غنك تعمل الصعب عشان تخلص منه مرت علينا كلنا في فترة من الفترات .. بعد كده بدأ أستبدلها بفكرة عمل الأسهل فالأصعب يمكن حد يعمل الأصعب بدل مني أو إنه يتحل بنفسه أو إني مضطرش لمواجهته :)

    هروب ظريف .. بس مينفعش في كل الحالات :)

    مرحبا بك :)

    ردحذف
  7. أخونا حسن

    معك حق الحاسوب صعب لكن ممتع

    أما الرياضيات فلاااا .. صعبة غير ممتعة على الأقل بالنسبة لي :)

    أما الجزء الخاص بالكيمياء .. فالمهم أنك تخلصت من دراستها :D أم مازلت ؟

    ردحذف
  8. زهرة

    عايزة أقولك إني تخصص تعقيد (أحيانا) :D

    أو نقول إن الأشياء البسيطة تغيب عن ذهني كثيرا في حل المشكلات خاصة :D

    وكلامك صح :)

    نورت

    ردحذف
  9. أخونا أحمد

    وعليكم السلام ورحمة الله وبركاته

    نعم صحيييح أخيرا أمطرت :) سبحان الله هذا وقت الدعاء .. يسر الله لنا الخير وغفر لنا .. وأعطى كل من وصانا بالدعاء سؤله من الخير .. وغفر لوالدينا والمسلمين والمسلمات .. وأحسن خاتمتنا

    أمطرت 3 ساعات .. حضرتك كتبت تعليقك 12 ليلا وأكتب تعليقي الرابعة صباحا ومازالت تمطر :)

    اللهم صيبا نافعا

    وبارك الله لك في وقتك كي تستطيع إنجاز برمجيات الموقع .. وإن كان هناك ما يمكنني تقديمه للمساعدة فخبراتي ذكرتها في التدوينة :)

    وكما قلت .. العالم الإلكتروني صحيح أنه عالم ضخم هائل في إمكانياته ومعقد ومتشابك ومنتشر إلا أنه هش للغاية .. إقطع الكهرباء ، خرب cable رئيسي ، أدخل فيروسا .. هش للغاية

    شكرا لتعقيبك :)

    ردحذف
  10. أخونا وأبو التدوين عصفور المدينة

    والله شكل حضرتك متضايق من لقب أبو التدوين فما عدت تعلق عندي :)

    أهلا ومرحبا والله يبارك في حضرتك

    وفعلا :

    أحيانا يكون الحل أمام العين ولكن إذا أقفلت قليلا وليس بفتحها كاملة

    و

    الخبير المفروض أن يكون خبيرا أيضا في التفكير ببساطة أولا

    جزاكم الله خيرا ..

    ردحذف
  11. ازيك يا مها
    بارك الله فيك
    عارفه يامها آخر ما غلبت من تغيير القوالب
    رجعت لقالب الخاص ب البلوجر وخلاص
    لانى كان بيقابلى مشكلة الاكس ام ال
    وماشابه
    قلت ارجع للراحه
    ووقت لما ابقى ازهق ابقى اعمل اى شئ
    ولى فكرة قوالب المدونة بتاعتك كنت صعبه قوى رغم جمال شكلها إلا ان حتى الفايرفوكس لا يقرأها
    أو اميتى الالكترونيه هى السبب

    عموما ما أجمل حل المشكله بدون تعقيد
    يحضرنى مثل حكته لنا مدرسة السيرة

    عندما وجد الامريكان ان الكتابه بالحبر فى الفضاء صعب بفعل انعدام الجاذبيه

    وفى نفس الوقت وجدها الروس(نفس المشكله)
    الامريكان ظلوا عشرات السنوات لايجاد الحل حى يستخدكوا القلم الجاف
    أما..الروس..استعملوا القلم الرصاص

    اسعد الله ايامك برضاه

    ردحذف
  12. السلام عليكم ورحمة الله وبركاته


    جزاك الله كل خير مبدعتنا وصاحبة العقل الرائع

    مؤكد نستعين بقدراتك وخبراتك وهذا يسعدنا جداً.. باذن الله فى الموقع تجدى بعض الاستفسارات .. جزاك الله كلل خير ونفعك بعلمك ونفع من حولك

    ردحذف
  13. العزيزة أم البنات

    الأول .. تعليقك خطير

    1. أنا شغالة بالإكسبلورر والفايرفوكس وكروم (يعني فاضل لي أوبرا وسفاري وأكون لميت السوق :D)وعادة ما بشيك على طريقة عرض المدونة في التلاته على اساس فعلا ميكونش القالب ملخبط ولا حاجة .. ومكانتش بتظهر معايا مشاكل .. بس على فكرة اختلاف الأجهزة عامل برضه مش بس المتصفح

    عموما بالجزئية دي من تعليقك كمان نبهتني إن فعلا بساطة التصميم أحسن من يكون جميل وعامل لي مشاكل :)

    بس بيني وبينك الواحد بيزهق جدا وبيفرح لما المدونة تلبس فساتين جديدة :D

    ولو احتجتي أي مساعدة في تغيير قالب المدونة في أي مرة أنا تحت أمرك :)

    2. خطيييير جدا مثال القلم الرصاص .. ومناسب قوي للتدوينة ربنا يبارك فيك وفي علمك وينفعك وينفعنا بيه :)

    شرفتيني ونورتيني :)

    ردحذف
  14. آه معلش أم البنات جزئية مهمة جدا نسيت أقولها

    مكانتش بتظهر معايا مشاكل اللهم إلا مع أسوأ متصفحات العالم اكسبلورر .. المتصفح ده يستحق بجدارة يوما بعد يوم الإعدام شنقا بالرصاص أو بوسائل التعذيب بتاعه القرون الوسطى

    وعلى فكرة عايزة فعلا أأكد تاني إن الغلط مش بيكون من المستخدم لكن اختلاف الأجهزة عامل كبير قوي وأساسي في مشكلة عرض المواقع .. لأني كنت في الكلية بصمم مواقع وكنت باخد موقعي وأعرضه في جهازي في البيت المتوسط الامكانيات والحداثة وجهاز الكلية الحديث والمتطور وجهاز صديقة قديم وقليل الامكانيات وكل مرة كان بيظهر لي موقع تاني غير اللى صممته :D هههههههه

    طبعا كنا بنتجنن لكن كانت طريقة تعليم ظريفة من دكاترتنا .. لأن كل ما كان الموقع بسيط وقوي في برمجته كل ما كانت طريقة عرضه أفضل عند الكل

    ويظل الاكسبلورر منبوذا موصوما بالعار .. يا بنتي خلاص راحت على مايكروسوفت كل ما تطور منتجاتها -الاكسبلورر ولا الماسنجر على سبيل المثال - النسخة الجديدة تطلع معوقة أكتر من اللى قبليها

    الناس دي تقريبا اتعلمت تاكل فول ولا ايه :D

    ردحذف
  15. وعليكم السلام ورحمة الله وبركاته أخونا أحمد

    جزاكم الله خيرا على الدعاء الطيب :)

    ردحذف
  16. فعلاً عندك حق، فدائماً ما تبحث عنه تجده في آخر مكان تتوقعه.
    بس انت مقولتيش غيرتيها ازاي ؟؟

    ردحذف
  17. أ/مختار

    بمناسبة إيجاد الأشياء في آخر مكان تتوقعه ذكرتني بمقولة أحبها :

    إذا بحثت عن السعادة طويلا فستجدها ولكم كما وجد العجوز نظارته آخر الأمر .. وجدها على انفه

    وكذلك الحل أحيانا يكون عند أنوفنا ولا نراه :)

    الحل يا فندم كان في صفحة الإعدادات settings بطاقة التنسيق formatting

    بتغيير تنسيق الطابع الزمني timestamp إلى تنسيق الاتنين 30 مارس 2009

    وتغيير تاريخ رأس التنسيق إلى 30/3/2009

    وخطر لي خاطر .. أظن حتى هذا التغيير يغير في الكود ! أم ماذا ؟ لا أدري

    عموما الحمد لله أن المدونة اتصلحت :D

    مرحبا بك :)

    ردحذف
  18. السصلام عليكم ورحمة الله وبركاته:
    اتشرف بزيارة المدونة لرابع مرة تقريبا وبالتعليق لاول مرة:
    تقبلى مرورى :
    فى الحقيقة ارسلتنى اليك السيدة الفاضلة ام البنات : وقبل هذا لم اكن لاعثر على مدونة جميلة بالشكل دة :
    اما بالنسبة للبوست : انتى فعلا عندك حق ، ممكن المشكلات الكبيرة والمعقدة يكون حلها فى ابسط الامور واشدها بساطة بس مش بنبقى واخدين بالنا لاسباب بتختلف باختلاف الشخص والمشكلة:
    بالتوفيق ان شاء الله:
    تحياتى
    اخيكى فى الله / طارق سليم

    ردحذف
  19. مها ربنا يجبر بخاطرك
    على فكرة انا استخدمت الأوبرا
    بس ساعات الحقيقه بيستغبى
    بس سريع وسهل
    بس مش هاقدر اظلمه لان غالبا المشكله فى الاكتع اللى عندى( جهازى)

    بس الاكسبلورر بتاع ميكروسوفت...
    مفروض يتحط فى المتحف
    احد ابنائى فى الله كان يضحك على علشان كنت بستخدمه...ويقولى يا أمى لسه بتستخدمى الفاشل ده
    وبينى وبينك وأى فشل
    وعلى رأى بنتى الموتزريلا...اصلها بتحب البيتزا

    افضل والاوبر كمان حلو سفارى بقى معرفتش ادخل موقعه
    بس افضى وارجع العب تانى واخرب الجهاز
    وطالما لى ابناء مثلكم..ان شاء الله مش هاحتاس

    ربنا يكرمك يا مها
    ياريت تعملى بوست تعليمى..أكيد ان شاء الله فى ميزان حسناتك

    أمك أم البنات

    ردحذف
  20. يالهوى
    o_O

    انا حسة انى مفهمتش حاجة
    D:

    مها عندي مشكلة فى اللابتوب اللى جبته الجديد وعايزاكى تشوفيهولى :(

    اللاب بتاع اخويا "ديل" وبيلقط وايرلس
    وتبقي السيجنال اكسلنت

    ييجي المصون بتاعى يلقط الوايرلس والشاشتين بتوع النت تحت ينوروا وميرضاش يدخل عالنت

    روحت للتوكيل قالى المكافي هو المشكلة
    شيلت المكافى خالص
    ولغيت كل السيكيورتى اللى عالنت

    ومش عايز يدخل بردو :(
    بالرغم انه جايبلي كونكتد
    يكون ده له علاقة بالفيستا او الاكس بي ؟؟
    وحاولت انزل اكس بي عشان اعرف اتفاهم معاه ويبقي بيننا لغة مشتركة لقيته بيقولى ايرور بعد صفحة windows setup الزرقا


    شوفى بقي البتاع ده :(
    :(

    ردحذف
  21. على فكرة فنجان النسكافيه اللى فوق ده عاجبني اوى
    D:

    ردحذف
  22. المهاجر إلى الله

    وعليكم السلام ورحمة الله وبركاته

    مرحبا بك قارئا وزائرا ومعلقا

    وأشكرك على تعليقك وإطرائك

    ردحذف
  23. ست الكل أم البنات

    هههههههههه ربنا يا رب يرزقك خير الجهاز أو أفضل منه :)

    ويظهر إن كل الكلمات اللى فيها ميم وواو وزين لذيذة وممتعة (موزيلا ، موز، موتزريلا)

    بالنسبة للتدوينة التعليمية أنا جاهزة بس شاوروا انتم !

    يعني عايزينها عن ايه ؟

    أنا كتبت قبل كده تدوينة عن تحديث وتغيير قالب المدونة

    لو فيه حاجة معينة في بالك قوليلي عليها

    ردحذف
  24. ممم معلش الرابط فاضي

    الرابط المليان أهو :)

    تحديث تصميم المدونة

    ردحذف
  25. كفاية طيبة باشا :)

    ليه بس ده أنا خليت التدوينة بعيدة عن المصطلحات والتفاصيل التقنية عشان تناسب الكل :)

    ايه الجزء اللى مش فاهماه :) ؟

    أما عن جهازك

    مهو ده جزاة اللى يختار الشكل عن الجودة :P

    بصي ارجعي لأكس بي حاولي تسطبيه على جهازك ودي نصيحة من القلب

    وبصراحة أنا جديدة على دنيا الوايرلس بس اللى أعرفه إن وضع الكومبيوتر ومكانه مهم وبيأثر في الإشارة

    يعني هو بيدخل على النت عادي بس الصفحات مش بتفتح ! .. اتأكدي مثلا إنك مش عاملة work offline وجربي لو عندك الفايرفوكس بدل الاكسبلورر يمكن المشكلة في المتصفح

    واتأكدي من إعدادات الحماية الغبية بتاعه الفيستا (بجد الفيستا متعب ومقرف قوي في إعدادات الحماية بتاعته يعني عشان يحمي الضحية من المجرم اللى عايز يخنقها يقوم خانقها هو ومستريح)

    حاولي تشيلي كل اعدادات الحماية كده وحاولي تدخلي لو دخل يبقى هي السبب ظبطيها قبل ما تبدأي بقى مع النت

    وبصي في اختبار كده من قائمة tool أو أدوات في الاكسبلورر diagnose connection problems لو مفعل اضغطي عليه وشوفي حيطلع لك ايه

    وادخلي على لوحة التحكم وشوفي الاعدادات يمكن الله أعلم !

    أنا عملت بحث على النت لقيت مشاكل زي مشكلتك ولقيت مشكلة بنت عندها تقريبا نفس مشكلتك شوفيها كده

    وتقدري ترجعي لموقع سوني تشوفي الدعم عندهم حتلاقي أسئلة عن مشاكل مشابهة أو تقدري تبعتي تسأليهم

    وقوليلي وصلتي لايه :)

    ***

    القالب كله داخل مخي قوي .. ظريفة الأجندة والقلم وفنجان الموكاتشينو ده (مش عارفه ليه حاسة إنه موكا :))

    يلا على أمل إن شاء الله لما أنزل مصر الصيف ده أعزمك على واحد حقيقي ونكسب شوفتك ولقائك :)

    ردحذف
  26. انا جربت كل حاجة
    ونفسي انزل فايرفوكس بس مفيش نت اصلا

    والادهى والامرّ بقي انى جبت وايرلس فى البيت امبارح وقعدت جمب الراوتر علطول
    واتعرف على البوينت ولقطها وكل حاجة
    بس مفيش نت بيدخل
    ودخلت على المشكلة بتاعت البنت وطبعتها واخدتها معايا البيت
    وعملت اللى قالولها عليه ..بردو محصلش حاجة خالص ولا كأنى بتكلم D:

    انا جايباه معايا انهاردة ورايحة للتوكيل يتصرف بجد ... ان شاء الله

    عشان كدة كتير اوى

    وبعدين متقوليش جزاة اللى بيختار الشكل دى عشان سمعتها من كل افراد البيت
    ارجوكي ماتتعبيش نفسيتي
    هو انا جايبة كمبيوتر ماركة عم عبده عشان يقولولى كدة :(
    ده سونى والله :(

    انا تعبتك معايا اوى معلش
    ربنا يكرمك يارب

    ياريت نقدر نتقابل فى الصيف
    ده هيبقي احلى صيف واحلى اجازة لو قابلتك ان شاء الله :)

    ردحذف
  27. ترى كنت اتغشمر معاش :D

    سوني جامد برضه بس لو كنا موضوعيين شوية بالذات في صناعة الـ laptops فيه ماركات أحسن من سوني .. لكن سوني مش وحش أبدا

    بصي الفايرفوكس لو انت منزلاه على الديسكتوب أو لاب أخوك فإنت تقدري تاخدي الملف بتاعه من ملف program files في البارتيشن اللى منزله عليه الويندوز وبفلاشه ولا سي دي تقدري تنزليه على جهازك

    وعموما أنا لو كنت معاك كنا جربنا لغاية ما ظبطناه .. بس قدر الله وما شاء فعل

    لما تروحي بقى قوليلي واعرفي منهم المشكلة كانت في ايه

    وبجد أنا مشتاقة لمصر جدا ومشتاقة إني اعمل جمعة لبنات كل الطلبة

    ربنا يجمعنا على خير :)

    ردحذف
  28. جميلة مشاركتك لنا بهذه الخطوات والتى رغم بساطتها الا انها مهمة فعلا

    ردحذف
  29. السلام عليكم

    أعجبتني كثيرا هذه التدوينة.. خاصة أنها ذكرتني بالكثير من مراحل الفشل مع جهازي, التي ما وقعت بها إلا لأني تعمدت ألا أتخذ من البساطة منهج. وهو يصر على ان يحرجني بذوقه, ويكون العيب بسيط جدا.

    أبسط الأمر.. عطل النت الذي استمر لشهور على جهازي, وفي النهاية, كان الحل تافه..

    أحد أصدقائي (الكبار سنا ومقاما) عندما امتلك جهاز كمبيوتر في أوائل التسعينيات من القرن الماضي :D , عطل جهازه, واتصل بالمهندس,, وبعد أسبوع جاء المهندس, ليكتشف هذا الرجل المسكين أن العيب كان بسيطا.

    هذا الرجل.. منذ ذلك الحين حرص على تعلم أسراره, الآن لديه شركة لبيع الكمبيوتر, ومركز لصيانة الهاردوير تحت إشرافه.

    ترى إلى أين ستأخذك البساطة ؟؟

    ........

    عذرًا..
    استوقفتني هذه العبارة

    ترى كنت اتغشمر معاش :D

    لا أفهمها ؟؟

    ردحذف
  30. وعليكم السلام ورحمة الله وبركاته

    ما شاء الله .. إضافتك اسعدتني ..

    على فكرة مشاكل التعامل اليومية مع الجهاز لها فائدة عظيمة في زيادة خبرة الإنسان في مجال الحواسيب

    لا يستهان بها يعني

    ونعم كثيرا ما تكون المشاكل من أبسط ما يكون

    ومشكلة حياتي أني عند مواجهة أي مشكلة لا ألجأ للحلول البسيطة أولا .. ولا أتعلم المرة تلو المرة أن ألجأ للبساطة أولا .. لذا قررت التدوين لعله يساعدني بشكل ما في ترسيخ الفكرة في ذهني:)

    أما عبارة ترى كنت اتغشمر معاك أو معش كما تنطق بالكويتي والخليجي بشكل عام فتعني : (على فكرة انا كنت بهزر معاك) .. ترى = على فكرة .. اتغشمر واحيانا تميل الغين للقاف في النقط تعني امزح من غشمرة مزاح .. والكاف أحيانا تميل للشين في النطق .. :)

    ومازحتها بهذه العبارة لأني أعرف أنها ستعرف معناها :)

    ردحذف
  31. رغم اني لا أفهم شيئا في البرمجة ولا لغاتها ولكن عرضك للموضوع أفادني وخاصة بطريقة العرض المبسطة والقواعد الجميلة التي تجعلنا نستفيد منها في حل أي مشكلة
    فربما يكون الحل سهل ونحن نبحث عن حل صعب

    لك تحياتي
    السلام عليكم

    ردحذف
  32. حائر في دنيا الله

    وعليكم السلام ورحمة الله وبركاته

    شكرا لك :)

    ردحذف
  33. بكتبلك من الكعبروتر بتاعى
    (وش بيتنطط)

    الفيستا هو اللى طلع مصيبة ومش ماشي مع الاكسس بوينت

    غيرت الاكسس بس

    بس كدة ^_^

    قولت اجي افرحك على اد مانا تعبتك

    D:

    ردحذف
  34. يا بنتي سيبك من منتجات مايكروزفت دي خالص .. لا زيفتا ولا زفتبلورر ولامازفتر :D

    ما تنقلي على اللينكس .. بيقولوا لطيف جدا .. واستخدمي توزيعة أوبنتو أنا ناوية عليها إن شاء الله في أقرب فرصة وبيقولوا سهلة وبسيطة ومفيهاش أي تعقيدات ومزاياها كتير قوي

    ومتخافيش من التغيير خلي عندك قلب أسد :D

    ردحذف
  35. وألف ألف مبروك يا بنتي :D

    معلش غيظي من مشاكل الفيستا نساني أهنيك :)

    ردحذف
  36. ربنا يبارك فيكي ياحبيبتى

    الاوبنتو فعلا جميل جدا انا مجرباه
    واللينكس بردو رائع بجد

    هحاول اشوفهم ان شاء الله
    اى حاجة غير الفيستا اللى تاعبني نفسيا ده

    كل ما اشوف موضوع اللينكس ده افتكر مستر سكيليتون D:

    ردحذف
  37. هههههههه

    فعلا هو بقى التريد مارك للاوبنتو :D

    ردحذف

إنما الأعمال بالنيات وإنما لكل إمرء ما نوى

بحث في فتاتٌ من كلام

Maha's favorite quotes


"إن لمعركة الخبز ضجيجاً يصم الأسماع , والشعوب العابدة لرغيفها سوف تموت دونه , وعلينا أن نوقظ الهمم إلى المعركة الأقسى , معركة الأرض والعرض , معركة الأرض والسماء , معركة الإسلام الذي يترنح من الضربات على كيانه الجلد !!!"— محمد الغزالي