التسويق بالإذن

بسم الله الرحمن الرحيم

السلام عليكم ورحمة الله وبركاته،،

التدوينة مبنية على خبر قريته في الجريدة ..

Permission Marketing

ده اسم الكتاب اللى ألفه واحد اسمه سيث حاجه كده ..

وهو برضه بيشتغل حاجه في الياهو .. كل ده مش مهم المهم الفكرة الظريفة جدا ..

التسويق بالإذن

يعني بدل ما الاعلانات تطلع لك اجباريا و تقرفك - آسفه على الكلمه - طول ما انت قاعد على الجهاز

الاعلانات بقى لها عصر جديد .. انت عايز اعلان .. حنديك اعلان .. مش عايز .. براحتك .. الكلمه كلمتك يا فندم .. عجبني جدا التفكير ده .. وعجبني كمان الشروط الصارمة اللى حطينها ..

يتقيد الإذن الذي تحصل عليه من العميل المحتمل بأربع قواعد صارمة:

1- هذا الإذن غير قابل للتحويل: لا يمكنك أن تعطي أو تبيع إلى مسوق آخر الإذن أي الثقة التي يمنحك إياها العميل. لا يخبئ «التسويق بالإذن» أبدا مفاجآت سيئة لعملائه.

2- هذا الإذن أناني: العميل المحتمل هو سيد برنامجك التسويقي. لا يبالي بمنتجاتك أو سجلك المهني أو مشكلاتك... فالسؤال الوحيد الذي يطرحه هو: «ما الشيء المثير للاهتمام الذي تعرضه علي؟» لا تنسه وكافئه في كل مرحلة.

3- يندرج الإذن في عملية طويلة الأمد. يسمح التسويق بالإذن بالشروع في حوار مع العميل: إذا استمر الحوار، يزدهر التسويق وإلا يتوقف.

4- يمكن العميل أن يسترد الإذن في أي وقت.

****

صحيح أحيانا بتكون الإعلانات ضحك على الذقون .. بس لما تلاقي اللى يقولك بابتسامة ديبلوماسية عريضة ما معناه : (احنا حنجيبك بس بالذوق ) أحسن ميت مرة من اللى يجيلك من وراك وهو مكشر ويقول في نفسه (حتيجي يعني حتيجي .. بالذوق بالعافية حتيجي وحتشتري .. وعلى رأي المثل الزن على الودان أمر من السحر وأنا وإنت والزمن طويل )

:) الخـبـر كاملا