2007/07/07

7/7/7

بسم الله الرحمن الرحيم

السلام عليكم ورحمة الله وبركاته

اليوم هو السابع من الشهر السابع من السنة السابعة بعد الألفية الثانية .. بحب رقم سبعة جدا .. مش عارفه ليه .. لا عارفه .. رقم غريب ومتفرد .. رقم يحيط به ألغاز كثيرة .. رقم كوني غامض

ما علينا .. مررت لي
علا اختبار سؤاله الأساسي (إلى أي درجة أنت مدمن على التدوين)
ولما طلعت النتيجة لقيتها 77% رقمي المفضل
طبعا المدونة فعلا من ساعة ما عملتها وأنا بتقدم في معرفة عالم التدوين وعالم الأكواد وكمان هي من حيث سكب الأفكار بتركيز أحسن من المنتديات ، لأن مجرد ما الواحد دخل المنتدى ضاع الوقت في تصفح الموضوعات والرد عليها

ده غير إن المنتدى محدود بمشاركات أعضاؤه مهما كتروا أما المدونة فأي زائر ممكن يشارك برأيه ومش محتاج تسجيل ولا يحزنون باختيار الرد باسم مجهول أو اي اسم يختاره
والمدونة صاحبها بيتحكم فيها وفي شكلها وعناصرها على ذوقه وشخصيته
المدونة من كلامي اللى فوق حاجة ممتعة وحلوة جدا .. لكنها في نفس الوقت خطر نائم .. لأنها بتريح الإنسان إنه يكتب عن نفسه .. ويمكن ينشر اللى مفروض ميتنشرش ، سواء كان لأسباب سياسية أو خاصة وشخصية وغيره
طيب .. تمرير الإختبار
طبعا لكل من يقرأ هذه التدوينة
حتى إن لم تكن مدوناً / وإن لم تكوني مدونة
اضغط على الصورة التالية فقط







التعليقات لديها ما يغني التدوينة أكثر .. أراكم هناك إن شاء الله

هناك 25 تعليقًا:



  1. :)

    ااااه اتاريكي مبسوطة على الرقم

    هههههههههه

    طيب يا ستي بالشفا ان شاء الله ,,

    بي اس على جنب كدة : فكرة الآية الي مكتوبة فوق حلوة جدا ,, كيف عملتيها ؟؟

    سلامات

    ردحذف
  2. علا

    أنا أصلا من كتر حبي لرقم سبعة أطلقوا عليا اسم سبعاوي :d

    أما الآية
    فحكايتها من هنا

    ردحذف
  3. أنا أيضا أحب الرقم سبعة ولكن أحب الرقم 3 أكثر منه
    السؤال الخاص بالإدمان مقفول مؤقتا الحمد لله هرب مني
    طبعا المدونات فيها تجانس أكثر في الموضوعات على الأقل ونسبة الكلام الفاضي فيها لا تذكر
    أما المنتديات بتاعة
    مشكوووووور أخي
    فشلت من زمان إني أتجانس معها
    مشكووووووورة أختي

    ردحذف
  4. هههههههه

    أنا أيضا أحب رقم 3 بس سبعة أكتر

    والمجاهدة كمان بتحب رقم 3 ورقم 7

    المنتديات منها المتميز جدا ومنها العادي ومنها السيء للغاية

    فيه منتديات بتكون شعلة في النشاط وكل رد بيكون مناقشة لموضوع الأساسي وليس مجرد زيادة مشاركات فقط

    أما عن الإختبار فأظن إن الموقع وقع من انتقال التاج ده من مدونة للتانية :)

    طالعوه من وقت لآخر حتى يرجع

    ردحذف
  5. السلام عليكم
    الحمد لله السؤال مقفول
    ويارب يكون رقم سبعة وشه حلو عليكي علي طول
    وربنا يزيدك نشاط في التدوين
    ويرحمك من ادمانه

    ردحذف
  6. كل دى سبعات اختنا


    بس ايه السبب الخفى بقى وراء حبكم الرقم 7 ؟

    ردحذف
  7. وعليكم السلام ورحمة الله وبركاته أ/هاني

    جزاك الله خيرا على كلماتك الطيبة :)

    وتابع الموقع حتى يتاح الإختبار مجددا :)

    أ/بن توفيق

    ده حب غير مسبب .. أو على الأقل أنا لا أعرف السبب لكني أحب رقم سبعة جدا :)

    في أمان الله

    ردحذف
  8. :d
    رقم سبعة و تلاتة ليهم عشق خاص
    :)
    و بينضم اليهم ساعات رقم خمسة :):)



    هوا ده بقى التاج الي عاوزاني اعمله :d


    ربنا يكرمك يا رب:):)

    ردحذف
  9. هههه
    طلعت اكتر منك

    :):)
    مع انى والله مش بحسني مدمنة كده ولا بعمل حاجة تدل على كده

    انتي اكتر يعني
    :d

    ردحذف
  10. ايون هو ده يا مجاهدة ..

    عموما فارق 1% من النتيجة عادي يعني .. زي نسبة الخطأ كده :D

    وبعدين ايه انت اكتر ده .. أهو انت اللى أكتر بقى :P

    ردحذف
  11. بالتاكيد جمال التدوين ورونقة يختلف بكثير عن المنتديات فعلا عالم المدونات جذبنى جدا فهو يعبر عنى واستطيع ان اتواصل مع الناس وارد عليهم غير المنتديات بكثير ولقد حصلت على نسبة
    66% ادمان ربنا يشفينى

    ردحذف
  12. انا كمان بحب رقم 7 أوى
    وانا برضه اتبعتلى الاختبار من علا بس انا أبلد منك جبت 74 % يدوبك ألحق حقوق بقى

    ___________________________
    أنا أول مرة ازور الكلمة اللى واقفة فى الزور دى .. بس شكلى هاجى هنا كتييييير
    ومستنى زيارتك انتى كمان ليا

    ردحذف
  13. ههههههههه

    انا كمان بحب رقم 7

    ردحذف
  14. أنا بحب رقم 6 جداً
    بس نتيجة الاختبار طلعت 61% أختبار ظريف
    الحمد لله مفيش أدمان

    ردحذف
  15. انا نسبتي 80 %
    ودي نسبة عالية اوي اوي

    وان شاء الله هتكلم عن سبب حبي للمدونات
    وعن اسرار كتير عمري ما قلتها لحد
    ان شاء الله

    ردحذف
  16. اده ...نظرية السبعات عادت مجددا

    مممممممممممممممممممممم

    ردحذف
  17. إمام الجيل

    أكيد المدونة تختلف عن المنتدى وأوجه الإختلاف متعددة ولكل رأيه وما يستريح له

    مشروع بطل

    مرحبا بك .. رقم سبعة كما قلت له سحره الخاص .. رقم يتكرر كثير في مواقف هامة ومختلفة في حياتنا

    شكرا لتعقيبك ومرورك :)

    كات

    خلاص أنا حفتح نادي لمحبي رقم سبعة

    من سن سبعة لسبعه وسبعين .. بشرط إن العضوية تفعل إذا كان في السن رقم سبعة على غرار (17 ، 27 ، 37)

    ايه رأيك :D


    ردحذف
  18. أ/بينو

    حضرتك فعلا تدويناتك بتكون على فترات متباعدة نوعا ما

    ربنا يبعد عنا الإدمان :)


    واحد من الناس

    اه ما شاء الله أظنها أعلى نسبة شفتها

    إن شاء الله حقرأ تدوينتك عن المدونات

    و ... مرحبا بك


    أ/سفاح

    حضرتك فين من زمان لم أر لك تعقيبات في مدونتي ولا كل الطلبة منذ زمن .. لعله خير :)

    نظرية السبعات معي منذ زمن ولم تذهب حتى تعود :)

    مرحبا بك مجددا :)

    ردحذف
  19. انا اخدت 82
    ده معناه ابه بأه
    :)

    ردحذف
  20. ما شاء الله ..

    معناه إن حضرتك تراجع نيتك وبها يا إما تفرح باللي كتبته يا إما ....

    :)

    إن شاء الله في ميزان حسناتك

    ردحذف
  21. بحكم كوني فاشل تدوينيا
    فكانت نتيجة امنحاني في الثانوية التدوينية الادمانية
    71 في الميه

    :)

    ردحذف
  22. ههههه

    نسبة جيدة :) تعلم أن الكلية النتية تقبل الجميع دون نسب وهذا من سحر النت

    ردحذف
  23. "حضرتك فين من زمان لم أر لك تعقيبات في مدونتي ولا كل الطلبة منذ زمن .. لعله خير"

    كل الطلبة عملتله بلوك نهائى من السيرفر بتاع النت عندى...هييه ارتحنا خلاص...هنا بقى كانت المدونة مهييسه واغلب اللنكات طايرة..:)

    ردحذف
  24. و تتوالى غرائب و عجائب الرقم 7

    لتصل إليّ أنا أيضاً

    :D

    http://img404.imageshack.us/img404/4281/sodfaoz3.png


    بنت الصحراء

    ردحذف
  25. ههه

    كده انت انضميتي لنادي محبي رقم سبعة تلقائيا

    مرحبا بك يا عزيزتي .. منورة المدونة

    ردحذف

إنما الأعمال بالنيات وإنما لكل إمرء ما نوى

بحث في فتاتٌ من كلام

Maha's favorite quotes


"إن لمعركة الخبز ضجيجاً يصم الأسماع , والشعوب العابدة لرغيفها سوف تموت دونه , وعلينا أن نوقظ الهمم إلى المعركة الأقسى , معركة الأرض والعرض , معركة الأرض والسماء , معركة الإسلام الذي يترنح من الضربات على كيانه الجلد !!!"— محمد الغزالي